Alevi 5:16 - MUKANDA USANDU WA ZAMBI 1975

¹⁶ Akawezeko nawa ha chize hahengesa mu yuma yisandu, akawezeko chihanda chamuchitano cha ndando akachihane kuli sasendote. Mba sasendote akamufukile shili yenyi ni panga wa mulambu wa uhie, amukonekeneyo.

Mukanda Wa Zambi 1970

¹⁶ Chamutamba kuhana mulambu uze kalambwile ko, ni kuwezela ho Chihanda chimuwika ku yihanda yitano. Akajihana kuli hako, ni hako makakunjika chimuna cha mulambu wa mulonga wa mutu yoze, mba Zambi makamukonekena.

Alevi 5:16 Iomraidhean Croise

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Kutuhuka 22:1

Kachi mutu meya ngombe hanji panga mba mamushiha chipwe mamulanjisa, iye akafwete ngombe atano ha ngombe umuwika. Mapanga awana ha panga umuwika.

Alevi 22:14

Nyi mutu malia chuma chisandu kachinyingikine akawezeho chihanda cha tano ku ndando yacho akahilwise che chuma chisandu kuli sasendote.

Alevi 27:13

Alioze nyi mazanga kumukula, chamutamba kuwezaho chihanda cha tano ku ndando yenyi.

Alevi 27:15

Nyi mukwa kusela ku usandu lie zuwo mazanga kulikula maweza chihanda cha tano ku ndando ya zuwo, mba mulipwa nilienyi.

Alevi 27:27

Nyi wapwa chimuna wa luchisa mamulanda ha ndando munumusela nikuweza chihanda cha tano. Nyi kamukulile munumulanjisa ha ndando yenyi.

Alevi 27:31

Nyi mutu mazanga kukula cha ku chihanda chenyi cha kumi akawezeho chihanda cha tano.

Alevi 4:20

Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 5:10

Akatambule wamuchiali akapwe mulambu wa kulumba, nikulita ni shimbi. Sasendote akamufukile shili yenyi havulumuna, akamukonekeneyo.

Alevi 5:13

Mba sasendote akamufukile mutonga wenyi havulumuna mu chuma cheswacho cha yino, amukonekenewo. Wunga weswe wasala muukapwa wa sasendote, ngwe mulambu wa wunga.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 7:2

Kuze akushihila mulambu wa kulumba, kwenako akashihile mulambu wa uhie. Manyinga jawo akaasapwile kwa kujingilika ha chilumbilo.

Kwalula 5:7

hohene akashikise mutonga havulumuna; nikulita ni mutonga wenyi akafwete yeswe lukombo, mba hikuwezaho chihanda chimuwika cha ku yihanda yitano, akahane kuli mwe mwenya mutonga.

Kwalula 5:8

Alioze nyi mwe mutu keshi ni usoko yoze matambula fweto ya mutonga wenyi, ye fweto ya mutonga wenyi mayifweta kuli Yehova yikapwe ya mbala ya sasendote, helu lia kuji ya panga wa kufuka shili yoze amufukile nenyi.

Luka 19:8

Alioze Zakeu wamanyine, wambile kuli Mwene ngwenyi, Mwene, chihanda cha hakachi cha yikumba yami ngunahane kuli yiswale; nyi kachi natambwile chimwe kuli mutu umwe ni chisanyino, kachi ngunahilwisa kuli iye yisuho yiwana.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

1 Samuel 6:3

O ngwo, Nyi munutuma mushete wa Zambi ya Izalele, kanda nuutuma mokomoko. Chanutamba kumutuma mulambu wa uhie, mba makanuwuka, makanulweza chize chakwika kwoko lienyi kunwecha.