Alevi 5:11 - MUKANDA USANDU WA ZAMBI 1975

¹¹ Nyi kahashile kuneha tutele aali, hanji ana-a-membe aali, mba akanehe mulambu wenyi ha uhie wenyi, ngwami, Chihanda chimuwika cha ku kumi lia yihanda ya efa ya wunga wafufunuka ukapwe mulambu ha shili. Kanda asaho maji niamwe, chipwe libano, mumu mulambu ha shili.

Mukanda Wa Zambi 1970

¹¹ Nyi mutu keshi ni tutele aali hanji membe aali, akaneha kwenyi kilo limuwika lia wunga wa mulambu wa milonga. Kanda akasa ho maji a olive chibwe yuma ya vumba libema, mumu kuuli mulambu wa milonga, hi wa mbuto ko.

Alevi 5:11 Iomraidhean Croise

Kutuhuka 16:18

Muze achesekele ni kachisoka, kuli yoze wakungile chinji kukwasalile nichimwe, mba kuli yoze wakungile chikepe kukwapwile kuhona nichimwe. Mutu mweswe yakunga nikulita ni chize mahasa kulia.

Kutuhuka 16:36

Kumi lia tuyisoka twalita ni njongo yimuwika ya efa.

Alevi 1:14

Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 14:21

Alioze nyi iye chiswale, kahashile kuwana yuma yipwa haha, akande kuji ya panga umuwika ha mulambu wa uhie akamuhungise akamufukile shili yenyi. Akanehe nawa chihanda chimuwika cha ku kumi lia yihanda ya wunga wafufunuka wa kuchinga ni maji ha mulambu wa wunga, ni njongo ya maji.

Alevi 27:8

Nyi mutu mapwa chiswale naye kufweta ndando yize munumusela, akanehe mwe mutu kuli sasendote, mba sasendote mamusela ndando. Mamusela ndando nikulita ni kuhasa cha yoze walakenyene chilakenyo.

Alevi 5:12

Akaunehe kuli sasendote, mba sasendote mazomonako kwoko lienyi likapwe Chiwulwiso, akaulumbe ha chilumbilo nikulita ni milambu ya kahia kuli Yehova—mulambu ha shili.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 5:9

Akasapwile amwe manyinga a mulambu ha shili ha lumbu lia chilumbilo. Manyinga akwo asala akaazujile ku shina lia chilumbilo—mulambu ha shili.

Alevi 6:20

Mulambu wa Arone ni anenyi a malunga matambula kuli Yehova ha tangwa lize mamuwayisa ni maji, uno; chihanda chimuwika cha ku kumi lia yihanda ya efa ya wunga wafufunuka ukapwe mulambu wa wunga wa tangwa ha tangwa. Chihanda ha chimene, chihanda ha chingoloshi.

Kwalula 5:15

henaho mwe lunga akahetese mukwo-pwo kuli sasendote, akatwale hali iye mulambu wenyi wa chihanda chimuwika cha ku yihanda kumi ya efa ya wunga wa sevada. Kanda akazujilaho maji niamwe, chipwe kusaho libano, ka. Mumu kuwapwa mulambu wa wunga wa ukwa, mulambu wa wunga wa Chiwulwiso, kuwakwiwulwisa uhenge.

Kwalula 7:13

Mulambu wenyi wapwile panda limuwika lia prata, pezu yalio ya kulakaji lia shekele ni makumi atatu a shekele; mbasia yimuwika ya prata ya makumi shimbiali a shekele nikulita ni shekele ya muma musandu. Yeswe ni yiali ya tò ya wunga wafufunuka, wa kuchinga ni maji, ukapwe mulambu wa wunga.

Luka 2:24

akahane chitapo nikulita ni chize anambe mu shimbi ya Mwene ngwo, Tutele aali, hanji ana aali a membe.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Hebreu 9:22

Nikulita ni shimbi yuma yeswe, yikepe wika yinasala, kakuyipemesa ni manyinga, ni ukonekeno wakuhi niumwe shina ha kumwanga manyinga.