Alevi 5:1 - MUKANDA USANDU WA ZAMBI 1975

¹ Nyi umwe mavulumuna, nyi hevwa liji lia kumushingisa, hapwa chela, chipwe ha kumona chipwe ha kunyingika, nyi kachilwezele, mambata uhenge wenyi.

Mukanda Wa Zambi 1970

¹ Atu chaatamba kulambula milambu ya milonga ha yitela yino. Nyi umwe mutu hamushingisa ku chisopelo ha Chuma chize hamona hanji hevwa, nyi malituna kuchilumbununa, amumwesa lamba.

Alevi 5:1 Iomraidhean Croise

1 Yitanga Ya Mianangana 22:16

Mwanangana ngwenyi, Kangahi changutamba kukukanjisa ni shingo ngwami, Kanda uhanjika nichimwe kuli yami shina umwenemwene mu jina lia Yehova?

1 Yitanga Ya Mianangana 8:31

Nyi mutu mavulumuna mwenyembo wenyi, mba mamwaha shingo akalishinge, neye meza ni kulishinga kumeso ja chilumbilo che mu zuwo lino,

2 Sango Ja Mianangana 18:15

Mwanangana yamba kuli iye ngwenyi, Kangahi mungukushingisa kanda uhanjika kuli yami shina umwenemwene wika mu jina lia Yehova.

Miaso (Masamu) 38:4

Mumu uhenge wami wanguhiana helu lia mutwe wami. Wangulemena naye ngwe chiteli chilemu.

Kutuhuka 22:11

Shingo lia Yehova likapwe hakachi ka eswe aali ngwenyi, Chakwachile ku yuma ya mukwetu. Mba mwenyacho akachifuliele, kanda akachifweta.

Yishima 29:24

Mweswe malianyina ni mwiji kalizangile mwene; kanevu kulishinga hindu kambile nichimwe.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Ezekiel 18:20

Alma yize muyivulumuna kumuyikafwa. Mwana keshi kumwena lamba uhenge wa tato; chipwe tato keshi kumwena lamba uhenge wa mwana. Ululi wa mukwa ululi kumuukapwa hali iye mwene; ni ungulungulu wa chingulungulu kumuukapwa hali iye mwene.

Ezekiel 18:4

Alma ja eswe nijami; alma ya tato ni alma ya mwanenyi jeswe nijami; mba alma yize muyivulumuna kumuyikafwa.

Alevi 17:16

Alioze nyi kaakosele hanji kasanyine, akambate uhenge wenyi.

Alevi 19:8

Mweswawo machilia makambata uhenge wenyi mumu hajilula chuma chisandu cha Yehova. Amutete hakachi ka atu jenyi.

Alevi 20:17

Nyi lunga manda ndumbwenyi, mwana wa tato, hanji mwana wa naye, akamone uselesele wenyi ni ndumbwenyi mamona uselesele wa lunga, acho chuma cha sonyi. Akaateteho kwe kumeso ja atu jo mumu hafukula uselesele wa ndumbwenyi. Kashika akambate uhenge wenyi.

Alevi 4:2

Amba kuli A-Izalele ngwe, Nyi umwe makavulumuna mutonga wa susumuku mu yuma yeswayo yize Yehova hanayikanjisa mba iye hayilinga;

Alevi 5:15

Nyi umwe makavulumuna mutonga wa susumuku mu chuma chisandu cha Yehova, akanehe kuli Yehova mulambu wa uhie, kuji ya panga keshi chipa, wa kuchiza ku chendo nikulita ni ndando yize musela mu shekele ja prata, te shekele ya muma musandu, akapwe mulambu wa uhie.

Alevi 5:17

Nyi umwe mavulumuna ha kulinga chuma chimwe cha yize Yehova hanakanjisa, chipwe kachinyingikine, hindu hahia, mambata uhenge wenyi.

Alevi 7:18

Yifwo yimwe ya chitapo cha mulambu wa sambukila makayilia ha tangwa liamuchitatu, kanda ayitambula; kanda ayalula kuli mukwa kulambula, muyikapwa chuma cha luchisa. Mweswe makayilia makambata uhenge wenyi.

Kwalula 9:13

Alioze yoze unapeme, nyi keshi mu wenyi hindu machina kufunga Chizomboka, akatete yoze mutu hakachi ka atu jenyi, mumu kalambwile mulambu wa Yehova ha mwaka wacho wa kutongola; akambate mulonga wenyi.

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

Akwa Kuyula 17:2

Iye yamba kuli naye ngwenyi, Mbongo jize ja prata kumi lia kulakaji ni kulakaji umuwika akwiyile mba walishingile mwe mu matwi jami, tala, kuli yami jili. Yami najitambwile. Naye yamba ngwenyi, Yehova akuwahise mwanami.