Alevi 4:7 - MUKANDA USANDU WA ZAMBI 1975

⁷ Sasendote akakomone amwe manyinga ha mbinga ja chilumbilo cha insensu ya lupembo mupema kumeso ja Yehova, chili mu mbalaka ya chikungulwila. Mba manyinga eswe asala a mwe kuji makaazujila ku shina lia chilumbilo cha milambu ya kulumba chili ku chikolo cha mbalaka ya chikungulwila.

Mukanda Wa Zambi 1970

⁷ Mba akakomone manyinga ha mbinga ja ha chilumbilo cha kwochela yuma ya vumba libema, mu zuwo lia Zambi. Manyinga waze maakasala ho, akazujila mu chenga kushi lia chilumbilo cha kwochela milambu, chize chili ku chikolo cha zuwo.

Alevi 4:7 Iomraidhean Croise

Miaso (Masamu) 118:27

Yehova iye Zambi, hanatwehe pangu. Kasa chitapo ni mihipu chipwe ku mbinga ja chilumbilo.

Kutuhuka 29:12

Ukachize ku manyinga a mwe kuji ya ngombe ukakomone ha mbinga ja chilumbilo ni munwe we. Ukazujile manyinga eswe ku shina lia chilumbilo.

Alevi 1:5

Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila.

Alevi 16:18

Mba matuhukila ku chilumbilo chili kumeso ja Yehova akachifukile shili. Akande nawa amwe manyinga a mwe chimbembe ni amwe a mwe pembe akaakomone ha mbinga ja chilumbilo ha kujingilika.

Alevi 4:18

Akakomone amwe manyinga ha mbinga ja chilumbilo chili kumeso ja Yehova mu mbalaka ya chikungulwila. Manyinga eswe asala akaazujile ku shina lia chilumbilo cha milambu ya kulumba chili ku chikolo cha mbalaka ya chikungulwila.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Alevi 4:30

Sasendote makanda amwe manyinga ha munwe wenyi akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 4:34

Mwe sasendote makanda ha munwe wenyi amwe manyinga a mulambu ha shili akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 5:9

Akasapwile amwe manyinga a mulambu ha shili ha lumbu lia chilumbilo. Manyinga akwo asala akaazujile ku shina lia chilumbilo—mulambu ha shili.

Alevi 6:30

Alioze kanda akalia mulambu ha shili, uze manyinga jawo haaneha mu mbalaka ya chikungulwila ha kufuka mwe muma musandu. Akawoche ni kahia.

Alevi 8:15

Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Alevi 9:9

Mba ana ja Arone a malunga amukunjikile e manyinga. Iye yachupika munwe wenyi mu manyinga, yaakomona ha mbinga ja chilumbilo, mba manyinga yaazujila ku shina lia chilumbilo.

Efesu 2:13

Alioze haliapwila muli Kristu Yesu, yenu ha miaka ya kunyima nwapwile kusuku, hananukundamisa mumu ha manyinga ja Kristu.

Hebreu 9:15

Ha chikuma chino iye chitakanyishi cha usendo waha, hanga waze hanaatambika akatambule chilakenyo cha chihinga cha mutolo, mumu kufwa hichapwa ha ukule wa Utanguko uze wapwile kushi lia usendo utangu.

Hebreu 9:21

Ni mbalaka nawa ni yikwachilo yeswe ya uvumbiko wayisapwilile chizechene ni manyinga.

Usolwelo 6:9

Muze apakwile Chijikilo chamuchitano, namwene kushi lia chilumbilo alma ja waze aashihile ha liji lia Zambi ni ha Shindakenyo yize apwile nayo.