Alevi 4:6 - MUKANDA USANDU WA ZAMBI 1975

⁶ Mba sasendote akachupike munwe wenyi mu manyinga akasapwile amwe manyinga yisuho shimbiali kumeso ja Yehova kulutwe lia chikalakala cha hina cha muma musandu.

Mukanda Wa Zambi 1970

⁶ akachubika munwe mu manyinga ni kwaasapwila kulutwe lia chikalakala cha chijila yisuho shimbiali.

Alevi 4:6 Iomraidhean Croise

Kutuhuka 40:21

Yanjisa mushete mu tabernakulu. Yazezeleka chikalakala cha hina, yasweka we mushete wa Shindakenyo chizechene ngwe Yehova ambile kuli Mose.

Kutuhuka 40:26

Yanjisa chilumbilo cha oru mu mbalaka ya chikungulwila kulutwe lia chikalakala cha hina.

Alevi 14:16

Akachupike songo lia munwe wenyi wa chindume mu maji ali mu kwoko lienyi lia chimeso, akasapwile amwe maji ni munwe wenyi yisuho shimbiali kumeso ja Yehova.

Alevi 14:18

Maji aze asala mu kwoko lia sasendote akakomone ha mutwe wa yoze anambe kumupemesa. Mba sasendote mamufukila shili yenyi kumeso ja Yehova.

Alevi 14:27

Akasapwile amwe maji a mu kwoko lienyi lia chimeso kumeso ja Yehova yisuho shimbiali ni munwe wenyi wa chindume.

Alevi 14:7

Akaasapwile yisuho shimbiali hali yoze anambe kumupemesa ku mbumba, akamuvuluke ngwo, Kanapeme. Mba akatusule kajila wa mwono mu chifuchi cha woya.

Alevi 16:14

Akande amwe manyinga a mwe chimbembe akaasapwile ni munwe wenyi ha chitwamo cha keke kulutwe kwakutala ku Chivumbuko. Mba kulutwe lia chitwamo cha keke akaasapwile yisuho shimbiali ni munwe wenyi.

Alevi 16:19

Akasapwileho amwe manyinga nawa yisuho shimbiali ni munwe wenyi akachipemese, akachihandunune ku luchisa wa A-Izalele.

Alevi 25:8

Mba munukalula Sambata shimbiali a miaka ngwami, Shimbiali ya miaka shimbiali. Sambata shimbiali ja miaka mujilumbunuka kuli yenu makumi awana a miaka ni miaka livwa.

Alevi 26:18

Nyi chipwe chocho kunwanguvwile, mba mungunulamba cheka nawa yisuho shimbiali ha milonga yenu.

Alevi 26:24

mba ni yami nawa mungulimika ni yenu. Yami mwene mungunulamba yisuho shimbiali ha milonga yenu.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Alevi 4:17

Mwe sasendote akachupike munwe wenyi mu manyinga akaasapwile yisuho shimbiali kumeso ja Yehova kulutwe lia chikalakala cha hina.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Alevi 4:30

Sasendote makanda amwe manyinga ha munwe wenyi akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 4:34

Mwe sasendote makanda ha munwe wenyi amwe manyinga a mulambu ha shili akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 8:11

Yasapwila amwe ha chilumbilo yisuho shimbiali. Yawayisa chilumbilo ni yikashi yacho yeswe, ni lumbasia ni nganda yalwo akayisele ku usandu.

Alevi 8:15

Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Alevi 9:9

Mba ana ja Arone a malunga amukunjikile e manyinga. Iye yachupika munwe wenyi mu manyinga, yaakomona ha mbinga ja chilumbilo, mba manyinga yaazujila ku shina lia chilumbilo.

Kwalula 19:4

Mwe sasendote Eleazare akande amwe manyinga jenyi ha munwe, hikusapwila e manyinga jenyi yisuho shimbiali kulutwe lia mbalaka ya chikungulwila.

Yoshua 6:4

Asasendote shimbiali mambata yitavwi shimbiali ya mbinga ja kuji a mapanga kulutwe lia mushete. Ha tangwa liamuchishimbiali munujinguluka chihunda yisuho shimbiali shimbu asasendote mahumuna yitavwi.

Yoshua 6:8

E asasendote shimbiali atetekelele ni yitavwi shimbiali ya mbinga ja kuji a mapanga kumeso ja Yehova, nikuhumuna yitavwi. Mushete wa usendo wa Yehova wakawile chizechene ngwe Yoshua hanatumu atu.