Alevi 4:4 - MUKANDA USANDU WA ZAMBI 1975

⁴ Akatwale mwe kuji ku chikolo cha mbalaka ya chikungulwila kumeso ja Yehova. Akase kwoko lienyi ha mutwe wa kuji akashihe mwe kuji kumeso ja Yehova.

Mukanda Wa Zambi 1970

⁴ Akamuneha ku chikolo cha zuwo lia Zambi lia makubu, akasa kwoko lienyi ha mutwe wa mwe ngombe ni kumushiha ku meso ja Mwene Zambi.

Alevi 4:4 Iomraidhean Croise

2 Sango Ja Mianangana 29:23

Mba yakundamisa kuji a pembe ha mulambu wa shili kumeso ja mwanangana ni akwa chikungulwila, no yasa moko jo hali ayo.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Alevi 16:21

Arone masa moko jenyi eswe ni aali ha mutwe wa pembe wa mwono. Mashikisa hali iye uhenge weswe wa A-Izalele, ni Utanguko wo weswe, ye shili yo yeswe, akayise ha mutwe wa pembe akamutume ku puya ku kwoko lia umwe wa kutongola kulu.

Alevi 4:15

Makulwana a chikungulwila akase moko jo ha mutwe wa mwe kuji kumeso ja Yehova, akashihe mwe kuji kumeso ja Yehova.

Alevi 4:29

Akase kwoko lienyi ha mutwe wa mulambu ha shili, akashihe we mulambu ha shili kuze akushiha mulambu wa kulumba.

Alevi 8:14

Mba yaneha kuji ya ngombe wa mulambu ha shili. Arone ni anenyi a malunga yasa moko jo ha mutwe wa kuji ya ngombe wa mulambu ha shili.

Kwalula 8:12

A-Levi akasayike moko jo ha mitwe ya yimbembe. Mukwo ukamulambule mulambu ha shili, ni mukwo ukamulambule mulambu wa kulumba kuli Yehova, mukufukila A-Levi shili yo.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.