Alevi 4:35 - MUKANDA USANDU WA ZAMBI 1975

³⁵ Maji jawo eswe akaachizeho ngwe maji a mwana-panga akwachiza ku yitapo ya milambu ya sambukila. Mba sasendote akaalumbe ha chilumbilo nikulita ni milambu ya kahia kuli Yehova. Chocho mwe sasendote akamufukile shili yenyi hanga amukonekeneyo.

Mukanda Wa Zambi 1970

³⁵ Mba akamuchize maji eswe ngwe chize akuchiza maji a mwana panga wa milambu ya kulivwa ni Zambi, ni kwoochela ha chilumbilo, akaweme, hamwe ni milambu ya yakulia yize akuhana kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 4:35 Iomraidhean Croise

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 14:18

Maji aze asala mu kwoko lia sasendote akakomone ha mutwe wa yoze anambe kumupemesa. Mba sasendote mamufukila shili yenyi kumeso ja Yehova.

Alevi 14:53

Makatusula kajila wa mwono akatuke ku chihunda ahumuke mu chifuchi cha woya. Chocho mafuka mulonga wa zuwo, likapeme.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Alevi 19:22

Sasendote mafuka mulonga wenyi havulumuna ni kuji ya panga wa mulambu wa uhie kumeso ja Yehova mba mulonga havulumuna mamukonekenawo.

Alevi 4:20

Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 5:10

Akatambule wamuchiali akapwe mulambu wa kulumba, nikulita ni shimbi. Sasendote akamufukile shili yenyi havulumuna, akamukonekeneyo.

Alevi 5:13

Mba sasendote akamufukile mutonga wenyi havulumuna mu chuma cheswacho cha yino, amukonekenewo. Wunga weswe wasala muukapwa wa sasendote, ngwe mulambu wa wunga.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 6:7

Mwe sasendote akamufukile shili yenyi kumeso ja Yehova ha chuma cheswacho halinga ni uhie, akamukone-kenecho.

Alevi 9:7

Mba Mose yamba kuli Arone ngwenyi, Kundama ku chilumbilo ukalambule mulambu we ha shili, ni mulambu we wa kulumba, ukalifukile shili hali yena ni hali e atu. Neha nawa mulambu hali atu Ukafuke shili yo, chizechene ngwe Yehova hatuma.

Kwalula 15:25

Sasendote akatukile chikungulwila cheswe cha A-Izalele, mba makaakonekena; mumu te chapwa cha susumuku, o te haneha mulambu wo, mulambu wa kahia kuli Yehova, ni mulambu wo ha shili nawa kumeso ja Yehova, mumu ha kupiasuka cho.

Kwalula 15:28

Sasendote akatukile mukwa kupiasuka muze mavulumuna mulonga wa susumuku, akamufukile kumeso ja Yehova, mba kumakamukonekena.

A-ROMA 10:4

Mumu Kristu iye we umanunwino wa shimbi ha ululi kuli mweswe mafuliela.

A-ROMA 4:25

yoze amukunjikile mumu ha milonga yetu; amuhindwishile mumu ha usambiso wetu.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Kolosu 1:14

Muli iye ukule wetu tuli nawo ku manyinga jenyi, we ukonekeno wa milonga yetu.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 4:14

Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

1 Petulu 2:22

Iye kavulumwineko, chipwe mu kanwa lienyi kawanyinemo kalimbalimba.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.