Alevi 4:32 - MUKANDA USANDU WA ZAMBI 1975

³² Nyi makaneha mwana-panga akapwe mulambu ha shili akamunehe chihwo keshi chipa.

Mukanda Wa Zambi 1970

³² Nyi mutu makaneha mwana panga wa mulambu wa milonga, akabwa chihwo yoze keshi kapalia.

Alevi 4:32 Iomraidhean Croise

Kutuhuka 12:3

Hanjikenu ni chikungulwila cheswe cha A-Izalele ngwenu, Ha tangwa liamuchikumi lia kakweji yono lunga mweswe akalianjile mwana-panga, jiko lieswe mwana-panga, nikulita ni majiko ja atato.

Kutuhuka 12:5

Mwana-panga wenu akapwe keshi chipa, musamba wa kuji, nukamuchize ku mapanga chipwe ku pembe.

Izaya 53:7

Amuhungumionene, amupinjishile, alioze kapakwile kanwa lienyi. Ngwe mwana-panga yoze mamutwala ku ushihilo, ngwe panga mahola kúlú kumeso ja akwa kumutewula, chochene kapakwile kanwa lienyi.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 4:28

nyi mamulweza mutonga wenyi havulumuna, akanehe mulambu wenyi, chihwo cha pembe keshi chipa ha mutonga wenyi havulumuna.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 1:36

iye watalile kuli Yesu shimbu anende, yamba ngwenyi, Talenu mwe Mwana-panga wa Zambi!

Efesu 5:27

hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

1 Petulu 2:22

Iye kavulumwineko, chipwe mu kanwa lienyi kawanyinemo kalimbalimba.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

Usolwelo 5:6

Mba namwene mukachi ka ngunja ni akwa mwono awana, ni mukachi ka makulwana, mwana-panga kanamana ngwe hamushiha, kali ni mbinga shimbiali, ni meso shimbiali, eno maspiritu shimbiali a Zambi a kutumiwa hashi heswe.