Alevi 4:31 - MUKANDA USANDU WA ZAMBI 1975

³¹ Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Mukanda Wa Zambi 1970

³¹ Mba akachize maji eswe, ngwe chize machiza maji a yimuna ya milambu ya kulivwa ni Zambi, ni kwoocha ha chilumbilo, akaweme. Mba lupembo makawahila kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 4:31 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Ezra 6:10

hanga akalambule yitapo ya lupembo mupema kuli Zambi ya mwilu, akalembele mwono wa mwanangana ni anenyi a malunga.

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Izaya 42:21

Yehova wevwile kuwaha mumu ha ululi wenyi, ha kufumanyisa shimbi yenyi nikuyipwisa ya uhenya.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:17

Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 14:18

Maji aze asala mu kwoko lia sasendote akakomone ha mutwe wa yoze anambe kumupemesa. Mba sasendote mamufukila shili yenyi kumeso ja Yehova.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Alevi 19:22

Sasendote mafuka mulonga wenyi havulumuna ni kuji ya panga wa mulambu wa uhie kumeso ja Yehova mba mulonga havulumuna mamukonekenawo.

Alevi 2:2

Akaunehe kuli asasendote, ana ja Arone. Akazomoneko kwoko lienyi lia wunga wafufunuka, ni chihanda cha maji, ni ye libano yeswe. Mwe sasendote akalumbe ha chilumbilo Chiwulwiso chayo chikapwe mulambu wa kahia, wa lupembo mupema kuli Yehova.

Alevi 2:9

Sasendote makachiza ku mulambu Chiwulwiso chawo akachilumbe ha chilumbilo. Wapwa mulambu wa kahia, wa lupembo mupema kuli Yehova.

Alevi 4:19

Maji eswe akaachizeho, akaalumbe ha chilumbilo.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 4:35

Maji jawo eswe akaachizeho ngwe maji a mwana-panga akwachiza ku yitapo ya milambu ya sambukila. Mba sasendote akaalumbe ha chilumbilo nikulita ni milambu ya kahia kuli Yehova. Chocho mwe sasendote akamufukile shili yenyi hanga amukonekeneyo.

Alevi 5:10

Akatambule wamuchiali akapwe mulambu wa kulumba, nikulita ni shimbi. Sasendote akamufukile shili yenyi havulumuna, akamukonekeneyo.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 8:21

Muze hakosa yingambiangambia ni molu mu meya, mba Mose yalumba mwe kuji ya panga mweswe ha chilumbilo akapwe mulambu wa kulumba wa lupembo mupema, mulambu wa kahia kuli Yehova, chizechene ngwe Yehova watumine Mose.

Kwalula 15:25

Sasendote akatukile chikungulwila cheswe cha A-Izalele, mba makaakonekena; mumu te chapwa cha susumuku, o te haneha mulambu wo, mulambu wa kahia kuli Yehova, ni mulambu wo ha shili nawa kumeso ja Yehova, mumu ha kupiasuka cho.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 10:12

Alioze iye muze te hatambula chitapo chimuwika ha milonga, Watwamine ndo ku miaka ya mutolo ku kwoko lia chindume lia Zambi.

Hebreu 10:14

Mumu ku mulambu umuwika hanapwisa angunu ndo ku miaka ya mutolo waze hanaasela ku usandu.

Hebreu 9:12

chipwe ku manyinga ja pembe ni ja ana a ngombe, aiioze ku manyinga jenyi mwene, hananjila kamuwika kunahu muma musandu mwahiana, se hanazuku ukule wa mutolo.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,