Alevi 4:3 - MUKANDA USANDU WA ZAMBI 1975

³ nyi sasendote wa kuwayisa ni maji makavulumuna nikukoka uhie hali atu, akatambule kuli Yehova ha mutonga wenyi uze havulumuna chimbembe wa kuji keshi chipa, akapwe mulambu ha shili.

Mukanda Wa Zambi 1970

³ Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 4:3 Iomraidhean Croise

2 Sango Ja Mianangana 29:21

Yaneha kuji a ngombe shimbiali, ni kuji a mapanga shimbiali, ni ana-mapanga shimbiali, ni kuji a pembe shimbiali akapwe mulambu wa shili ha chifuchi ni ha zuwo lisandu ni hali A-Yunda. Yatuma asasendote ana ja Arone aalambule ha chilumbilo cha Yehova.

Ezra 8:35

Akwa unjize waze akatukile ku chifuchi cha mbala alambwile milambu ya kulumba kuli Zambi ya Izalele; kumi lia kuji a ngombe ni kuji aali hali A-Izalele eswe; makumi livwa a kuji a mapanga ni kuji asambano; makumi shimbiali a ana-mapanga ni anamapanga shimbiali; ni kumi lia kuji a pembe ni kuji aali mulambu ha shili. Chino cheswe chapwile mulambu wa kulumba kuli Yehova.

Kutuhuka 29:14

Alioze yifwo ya mwe kuji ya ngombe, ni kupu lienyi, ni ufwachi wenyi ukayoche ni kahia haze lia chilombo. Kapwa mulambu ha shili.

Kutuhuka 29:21

Uchize ku manyinga ali ha chilumbilo ni ku maji a kuwayisa no, wasapwile hali Arone, ni ha mazalo jenyi, ni hali ana jenyi a malunga, ni ha mazalo a ana jenyi a malunga hamwe nenyi. Umusele usandu ni mazalo jenyi, ni ana jenyi a malunga, ni mazalo a ana jenyi a malunga.

Kutuhuka 29:7

Hohene Ukande maji a kuwayisa no, ukaazuze ha mutwe wenyi, ukamuwayise no.

Kutuhuka 30:10

Arone akafuke ha je mbinga jacho kamuwika mwaka ha mwaka. Akachifuke ni manyinga a mulambu ha shili kamuwika mwaka ha mwaka ndusu yisemuko yenu. Kuchapwa chisandu chahiana kuli Yehova.

Ezekiel 40:39

Mu senge Ka chikolo mwapwile mesa jiali sali, mesa jiali sali, haze mashihila mulambu wa kulumba, ni mulambu ha shili, ni mulambu ha uhie.

Ezekiel 43:19

munukahana kuli asasendote a Levi a ku munyachi wa Zadoke, waze akukundama kuli yami mukunguvumbika, kuji ya ngombe akapwe mulambu ha shili. Chocho kanambe Mwene Yehova.

Ezekiel 44:27

Mba ha tangwa lize manjila mu zuwo lisandu, mu yiz ya muchima akavumbike mu zuwo lisandu, malambula mulambu wenyi ha shili. Chocho kanambe Mwene Yehova.

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 16:11

Arone makakunjika mwe chimbembe mulambu ha shili hali iye mwene. Akafuke shili yenyi ni ya zuwo lienyi. Akashihe mwe chimbembe wa mulambu ha shili yenyi mwene.

Alevi 16:3

Alioze Arone ngwe chino manjila muma musandu; akanjile ni chimbembe wa kuji, akapwe mulambu ha shili, ni kuji ya panga akapwe mulambu wa kulumba.

Alevi 16:5

Ku chikungulwila cha A-Izalele akatambule kuji a pembe aali akapwe mulambu ha shili, ni kuji ya panga umuwika akapwe mulambu wa kulumba.

Alevi 16:6

Arone akalambule mwe chimbembe mulambu ha shili hali iye mwene, akafuke shili yenyi ni ya akwa zuwo lienyi.

Alevi 4:14

muze mutonga havulumuna hiwasoloka, mba akwa chikungulwila akatambule chimbembe wa kuji akapwe mulambu ha shili. Akamunehe ku mbalaka ya chikungulwila.

Alevi 4:23

nyi mutonga uze havulumuna hamulwezawo, akanehe pembe ha mulambu wenyi, kuji keshi chipa.

Alevi 4:28

nyi mamulweza mutonga wenyi havulumuna, akanehe mulambu wenyi, chihwo cha pembe keshi chipa ha mutonga wenyi havulumuna.

Alevi 4:5

Sasendote wa kuwayisa ni maji akande amwe manyinga a mwe kuji akaanehe ku mbalaka ya chikungulwila.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 6:18

Malunga eswe hakachi ka ana ja Arone makachilia, chihanda cho cha mutolo ndusu yisemuko yenu yeswe cha ku milambu ya kahia kuli Yehova. Mweswe makayikwata makapwa musandu.

Alevi 8:12

Yazujila amwe maji a kuwayisa no ha mutwe wa Arone. Yamuwayisa akamusele ku usandu.

Alevi 9:2

Yamba kuli Arone ngwenyi, Anda chimbembe cha kuji akapwe mulambu ha shili, ni kuji ya panga akapwe mulambu wa kulumba, eswe ni aali keshi chipa, ukaalambule kumeso ja Yehova.

Alevi 9:3

Amba kuli A-Izalele ngwe, Andenu kuji ya pembe akapwe mulambu ha shili, ni chimbembe ni mwana-panga, eswe ni aali a mwaka umuwika, keshi chipa, akapwe mulambu wa kulumba;

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 8:8

Mba akakwate chimbembe wa kuji hamwe ni mulambu wenyi wa wunga, te wunga wafufunuka, wa kuchinga ni maji. Ukakwate chimbembe wa kuji mukwo akapwe mulambu ha shili.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Hebreu 5:3

Mba ha mukunda wa chuma chino chamutamba, chizechene ngwe hali atu, chocho nawa hali iye mwene, kulambula ha milonga.

Hebreu 9:12

chipwe ku manyinga ja pembe ni ja ana a ngombe, aiioze ku manyinga jenyi mwene, hananjila kamuwika kunahu muma musandu mwahiana, se hanazuku ukule wa mutolo.