Alevi 4:21 - MUKANDA USANDU WA ZAMBI 1975

²¹ Akambate mwe kuji haze lia chilombo, akamwoche ngwe ochele mwe kuji mutangu, mumu mulambu ha shili ya chikungulwila.

Mukanda Wa Zambi 1970

²¹ Mba akatwale mwe kuji a ngombe haze lia musumba ni kumwocha, akaweme, ngwe chize akwocha kuji a ngombe yoze wa ha mulonga wenyi mwene. Mulambu uno muukachiza mulonga wa Chikungulwila.

Alevi 4:21 Iomraidhean Croise

Ezra 8:35

Akwa unjize waze akatukile ku chifuchi cha mbala alambwile milambu ya kulumba kuli Zambi ya Izalele; kumi lia kuji a ngombe ni kuji aali hali A-Izalele eswe; makumi livwa a kuji a mapanga ni kuji asambano; makumi shimbiali a ana-mapanga ni anamapanga shimbiali; ni kumi lia kuji a pembe ni kuji aali mulambu ha shili. Chino cheswe chapwile mulambu wa kulumba kuli Yehova.

Kutuhuka 29:14

Alioze yifwo ya mwe kuji ya ngombe, ni kupu lienyi, ni ufwachi wenyi ukayoche ni kahia haze lia chilombo. Kapwa mulambu ha shili.

Ezekiel 45:22

Ha tangwa lize mwe mulemu makahana hali iye mwene ni hali atu eswe a chifuchi chimbembe wa kuji akapwe mulambu ha shili.

Alevi 16:15

Mba makashiha mwe pembe wa mulambu ha shili wa e atu akanehe manyinga jenyi muchima lia chikalakala. Akalinge ni manyinga jenyi chizechene ngwe halinga ni manyinga a mwe chimbembe, nikwasapwila ha chitwamo cha keke ni kulutwe lia chitwamo cha keke.

Alevi 16:21

Arone masa moko jenyi eswe ni aali ha mutwe wa pembe wa mwono. Mashikisa hali iye uhenge weswe wa A-Izalele, ni Utanguko wo weswe, ye shili yo yeswe, akayise ha mutwe wa pembe akamutume ku puya ku kwoko lia umwe wa kutongola kulu.

Alevi 16:27

Mwe chimbembe wa mulambu ha shili, ni pembe wa mulambu ha shili, manyinga jo haneha muchima kufuka shili ha muma musandu, maambata haze lia chilombo. Ni makupu jo, ni yifwo yo, ni ufwachi wo akayoche mu kahia.

Alevi 4:13

Nyi kachi chikungulwila cheswe cha Izalele muchikavulumuna mutonga wa susumuku, che chuma chinaswame ku meso ja chikungulwila, hanji halinga yimwe yuma Yehova hanayikanjisa, mba hahia,

Alevi 4:20

Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Alevi 6:11

Akazule mazalo jenyi, akazale akwo eka, akatwale uto haze lia chilombo kuma kupema.

Alevi 6:23

Mulambu weswe wa wunga wa sasendote akaulumbe wupu. Keshi kuulia.

Alevi 8:17

Alioze mwe kuji, ni kupu lienyi, ni yifwo yenyi, ni ufwachi wenyi, ayo yayocha ni kahia haze lia chilombo chizechene ngwe Yehova watumine Mose.

Kwalula 15:24

nyi nwachilinga, kunwachinyingikine, te chikungulwila kachinyingikine, chikungulwila cheswe akalambule chimbembe wa kuji akapwe mulambu wa kulumba, wa lupembo mupema kuli Yehova, hamwe ni mulambu wawo wa wunga ni mulambu wawo wa kunwa, nikulita ni chiyulo, ni kuji ya pembe umuwika mulambu ha shili.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Hebreu 13:11

Mumu mijimba ya tushitu waze, manyinga jo maaneha muma musandu ku moko ja sasendote mukwa lutwe, ngwe mulambu ha shili, mayocha haze lia chihunda.