Alevi 4:20 - MUKANDA USANDU WA ZAMBI 1975

²⁰ Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Mukanda Wa Zambi 1970

²⁰ Akalinga ni kuji a ngombe yono ngwe chize akulinga ni yoze akulambula ha mulambu wa milonga. Akalinga Chenacho ni milambu ya milonga ya atu, mba Zambi makaakonekena yo.

Alevi 4:20 Iomraidhean Croise

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Alevi 1:4

Mwe mutu akase kwoko lienyi ha mutwe wa mulambu wa kulumba akamusalakane, akafuke kuhona chenyi.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 14:18

Maji aze asala mu kwoko lia sasendote akakomone ha mutwe wa yoze anambe kumupemesa. Mba sasendote mamufukila shili yenyi kumeso ja Yehova.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Alevi 19:22

Sasendote mafuka mulonga wenyi havulumuna ni kuji ya panga wa mulambu wa uhie kumeso ja Yehova mba mulonga havulumuna mamukonekenawo.

Alevi 4:21

Akambate mwe kuji haze lia chilombo, akamwoche ngwe ochele mwe kuji mutangu, mumu mulambu ha shili ya chikungulwila.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 4:35

Maji jawo eswe akaachizeho ngwe maji a mwana-panga akwachiza ku yitapo ya milambu ya sambukila. Mba sasendote akaalumbe ha chilumbilo nikulita ni milambu ya kahia kuli Yehova. Chocho mwe sasendote akamufukile shili yenyi hanga amukonekeneyo.

Alevi 4:8

Maji eswe a mwe kuji wa mulambu ha shili akamuchizo, ni maji a kufuka yingambiangambia, ni maji eswe a ku yingambiangambia,

Alevi 5:10

Akatambule wamuchiali akapwe mulambu wa kulumba, nikulita ni shimbi. Sasendote akamufukile shili yenyi havulumuna, akamukonekeneyo.

Alevi 5:13

Mba sasendote akamufukile mutonga wenyi havulumuna mu chuma cheswacho cha yino, amukonekenewo. Wunga weswe wasala muukapwa wa sasendote, ngwe mulambu wa wunga.

Alevi 5:16

Akawezeko nawa ha chize hahengesa mu yuma yisandu, akawezeko chihanda chamuchitano cha ndando akachihane kuli sasendote. Mba sasendote akamufukile shili yenyi ni panga wa mulambu wa uhie, amukonekeneyo.

Alevi 5:18

Akanehe kuli sasendote kuji ya panga keshi chipa, wa kuchiza mu chendo, nikulita ni ndando musela ha mulambu wa uhie. Mba sasendote akamufukile mutonga wenyi wa susumuku, te kachinyingikine, amukonekenewo.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 6:7

Mwe sasendote akamufukile shili yenyi kumeso ja Yehova ha chuma cheswacho halinga ni uhie, akamukone-kenecho.

Kwalula 15:25

Sasendote akatukile chikungulwila cheswe cha A-Izalele, mba makaakonekena; mumu te chapwa cha susumuku, o te haneha mulambu wo, mulambu wa kahia kuli Yehova, ni mulambu wo ha shili nawa kumeso ja Yehova, mumu ha kupiasuka cho.

Kwalula 15:28

Sasendote akatukile mukwa kupiasuka muze mavulumuna mulonga wa susumuku, akamufukile kumeso ja Yehova, mba kumakamukonekena.

A-ROMA 5:11

hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;