Alevi 3:5 - MUKANDA USANDU WA ZAMBI 1975

⁵ Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Mukanda Wa Zambi 1970

⁵ Mahako akayocha ha chilumbilo hamwe ni mulambu wa kwocha, yikaweme. Lupembo wa mulambu uno wa yakulia kakuwahila kuli Mwene Zambi.

Alevi 3:5 Iomraidhean Croise

1 Yitanga Ya Mianangana 8:64

Tangwa lioliene mwanangana yasela ku usandu chihanda cha hakachi cha yize kumeso ja zuwo lia Yehova. Mumu kwenako yalambula mulambu wa kulumba, ni mulambu wa wunga, ni maji a milambu ya sambukila mumu chilumbilo cha unengu kumeso ja Yehova chakehele naye kutambula mulambu wa kulumba, ni mulambu wa wunga, ni maj i a milambu ya sambukila.

2 Sango Ja Mianangana 35:14

Kulutwe yalulika hali ene ni hali asasendote, mumu asasendote ana ja Arone machihondangana ni kulambula milambu ya kulumba ni e maji ndo ufuku. Kashika A-Levi yalulika hali ene, ni hali asasendote ana ja Arone.

Kutuhuka 29:13

Ukachize maji eswe ku yingambiangambia yenyi ya muchima, ni maji a ha liayi, ni njiso jiali ni maji jaho, ukayilumbe ha chilumbilo.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:17

Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 3:11

Sasendote akayilumbe ha chilumbilo, che kulia cha ku mulambu wa kahia kuli Yehova.

Alevi 3:4

ni njiso jeswe jiali ni maji jaho a ku mialangwe, ni maji a ha liayi, akaachize hamuwika ni njiso.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Alevi 4:35

Maji jawo eswe akaachizeho ngwe maji a mwana-panga akwachiza ku yitapo ya milambu ya sambukila. Mba sasendote akaalumbe ha chilumbilo nikulita ni milambu ya kahia kuli Yehova. Chocho mwe sasendote akamufukile shili yenyi hanga amukonekeneyo.

Alevi 6:12

Alioze kahia ka ha chilumbilo kumukayilaho, kanda akajima, mwe sasendote akaseho kunyi chimene ha chimene. Akaseho mulambu wa kulumba mu ngango jawo. Akalumbeho nawa maji a milambu ya sambukila.

Alevi 7:28

Yehova yamba kuli Mose ngwenyi,

Alevi 9:17

Yakunjika mulambu wa wunga. Yazomonako kwoko lia tò, yaulumba ha chilumbilo, wa kuweza helu lia mulambu wa kulumba wa chimene.

Kwalula 15:8

Muze mululika kuji ya ngombe akapwe mulambu wa kulumba, hanji chitapo, mukumanununa chilakenyo chimwe, hanji milambu ya sambukila kuli Yehova,

Kwalula 18:17

Kapula-jimo wa ngombe, hanji kapulajimo wa panga, hanji kapula-jimo wa pembe, kanda ukaakula; o kapwa asandu. Ukasapwile manyinga jo ha chilumbilo. Ukalumbe maji jo akapwe mulambu wa kahia, wa lupembo mupema kuli Yehova.

Kwalula 28:12

ni yihanda yitatu ya ku kumi lia yihanda ya efa ya wunga wafufunuka yikapwe mulambu wa wunga, wa kuchinga ni maji, hali chimbembe mweswe; ni yihanda yiali ya ku kumi lia yihanda ya wunga wafufunuka yikapwe mulambu wa wunga, wa kuchinga ni maji, hali mwe kuji ya panga;

Kwalula 28:3

Wambe kuli ayo ngwe, Mulambu wa kahia nukalambule kuli Yehova, uno: kuji a mapanga aali a mwaka umuwika, keshi chipa, aali ha tangwa, aali ha tangwa, akapwe mulambu wa kulumba wa matangwa eswe.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.