Alevi 3:4 - MUKANDA USANDU WA ZAMBI 1975

⁴ ni njiso jeswe jiali ni maji jaho a ku mialangwe, ni maji a ha liayi, akaachize hamuwika ni njiso.

Mukanda Wa Zambi 1970

⁴ ni ana asukwa ni e maji jo, ni liayi lia mukelenge.

Alevi 3:4 Iomraidhean Croise

Kutuhuka 29:13

Ukachize maji eswe ku yingambiangambia yenyi ya muchima, ni maji a ha liayi, ni njiso jiali ni maji jaho, ukayilumbe ha chilumbilo.

Kutuhuka 29:22

Ukande nawa maji a mwe kuji ya panga ni muchila wa maji, ni maji ali ku yingambiangambia ya muchima, ni maji a ha liayi, ni njiso jiali, ni maji jaho, ni chilama cha chindume, mumu iye kuji ya panga wa kwatumbikila ku uvumbiko.

Alevi 1:12

Iye mamuteta mu yihanda hamuwika ni mutwe wenyi ni maji jenyi; mwe sasendote akayise ha kunyi jize jili ha kahia ha chilumbilo, ya kululika mu ngango.

Alevi 1:8

Asasendote, ana ja Arone, akase ye yihanda, ni mutwe, ni maji, yeswe ya kululika mu ngango ha kunyi jize jili ha kahia ha chilumbilo.

Alevi 3:10

ni njiso jeswe jiali ni maji jaho a ku mialangwe, ni maji a ha liayi, akaachize hamuwika ni njiso.

Alevi 3:15

ni njiso jeswe jiali ni maji jaho a ku mialangwe, ni maji a ha liayi, akaachize hamuwika ni njiso.

Alevi 3:3

Akatambule mulambu wa kahia kuli Yehova wa ku chitapo cha mulambu wa sambukila, ngwami, maji a kufuka yingambiangambia, ni maji eswe a ku yingambiangambia,

Alevi 3:5

Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Alevi 4:8

Maji eswe a mwe kuji wa mulambu ha shili akamuchizo, ni maji a kufuka yingambiangambia, ni maji eswe a ku yingambiangambia,

Alevi 4:9

ni njiso jeswe jiali ni maji jaho a ku mialangwe, ni maji a ha liayi, akaachize hamuwika ni njiso,

Alevi 7:4

je njiso jeswe jiali ni maji jaho a ku mialangwe, ni maji a ha liayi akaachize hamwe ni njiso.

Alevi 8:16

Yanda maji eswe a ha yingambiangambia, ni ha liayi, ni njiso jiali hamwe ni maji jaho, ayo Mose yayilumba ha chilumbilo.

Alevi 8:25

Mba yanda e maji, ni muchila wa maji, ni maji eswe a ha yingambiangambia, ni maji a ha liayi, ni njiso jeswe jiali ni maji jaho, ni chilama cha chindume.

Alevi 9:10

Alioze e maji, ni njiso, ni maji a ha liayi lia mulambu ha shili yayilumba ha chilumbilo, chizechene ambile Yehova kuli Mose.

Alevi 9:19

ni maji a kuji ya ngombe ni a kuji ya panga, ni muchila wa maji, ni a ha yingambiangambia, ni njiso, ni maji a ha liayi.