Alevi 3:17 - MUKANDA USANDU WA ZAMBI 1975

¹⁷ Chino chikapwe chiyulo cha mutolo mu mazuwo jenu ndusu yisemuko yenu yeswe ngwami, Kanda nulia chipwe maji chipwe manyinga.

Mukanda Wa Zambi 1970

¹⁷ Kaisraele niumwe kuchatambile kulia maji hanji manyinga. Shimbi yino Aisraele chaatamba kufunga matangwa eswe, kweswako anatwama.

Alevi 3:17 Iomraidhean Croise

Ubutukilo 9:4

Alioze kuchi kulia yifwo yize yikwete manyinga jayo, acho chinalumbunuka we mwono.

2 Sango Ja Mianangana 29:35

Chikwo nawa milambu ya kulumba yapwile ya kulumbama, hamwe ni maji a milambu ya sambukila, ni milambu ya kunwa ha mulambu weswe wa kulumba. Chocho uvumbiko wa zuwo lia Yehova yaululika.

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Kutuhuka 27:21

Arone ni anenyi a malunga akayilulikise chize ku chingoloshi ndo ku kucha kumeso ja Yehova mu mbalaka ya chikungulwila, haze lia chikalakala cha hina chili kulutwe lia ye shindakenyo. Chikapwe shimbi ya mutolo ndusu yisemuko yeswe hali A-Izalele.

Kutuhuka 28:43

Arone ni ana jenyi a malunga akamuzale muze manjila mu mbalaka ya chikungulwila hanji muze makundama ku chilumbilo mukuvumbika muma musandu, kuchina mambata uhenge mba mafwa. Chikapwe chiyulo ndo ku miaka ya mutolo hali iye ni hali ana jenyi kulutwe lienyi.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Alevi 10:15

Chilama cha kuzundula ni pambo Ha kuhungisa akayinehe hamwe ni milambu ya kahia ya maji Ukayihungise kumeso ja Yehova mulambu wa kuhungisa. Muukapwa wa yena ni wa ane a malunga hamwe ni yena, chihanda chenu cha mutolo chizechene ngwe Yehova hamba.

Alevi 10:9

Kanda ukanwa vinyu hanji kunwa chisasu, chipwe yena, chipwe ane a malunga hamwe ni yena, muze mununjila mu mbalaka ya chikungulwila, kuchina munufwa. Chino chikapwe chiyulo cha mutolo kuli yenu ndusu yisemuko yenu yeswe.

Alevi 16:29

Muchipwa chiyulo cha mutolo kuli yenu, ngwami, ha kakweji wamuchishimbiali, ha tangwa liamuchikumi munukafwichisa mbunge jenu. Kanda nulinga milimo niyimwe, chipwe mwenyembo, chipwe njize yoze watwama hakachi kenu.

Alevi 16:34

Chino chikapwe chiyulo cha mutolo kuli yenu hanga akafuke shili ya A-Izalele kamuwika ha mwaka mumu ha milonga yo yeswe. Mba Mose walingile chizechene ngwe Yehova wamutumine.

Alevi 17:7

Chocho akalitwamine kushihila mahamba waze akulichisa no. Yino muyipwa chiyulo cha mutolo kuli ayo ndusu yisemuko yo yeswe.

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.

Alevi 23:14

Kanda nulia mbolo hanji mbuto, yipwe yumu, yipwe ya wisu, ndo tangwa lize, ndo hinwaneha mulambu wa Zambi yenu. Acho chiyulo cha mutolo ndusu yisemuko yenu yeswe kweswako munutwama.

Alevi 23:21

Mba munulakenya ha tangwa lioliene nukapwe ni chikungulwila chisandu. Kanda nulinga milimo niyimwe yilemu. Chino muchipwa chiyulo cha mutolo kweswako munutwama ndusu yisemuko yenu yeswe.

Alevi 24:3

Haze lia chikalakala cha Shindakenyo, mu mbalaka ya chikungulwila Arone makayilulika ufuku ni mwalwa kumeso ja Yehova. Chino muchikapwa chiyulo cha mutolo ndusu yisemuko yenu yeswe.

Alevi 24:9

Mujipwa ja mbala ja Arone ni anenyi a malunga. Majilia kumwe kuma kusandu mumu kuli iye mujipwa chihanda chisandu chahiana hakachi ka milambu ya kahia kuli Yehova. Yino chiyulo cha mutolo.

Alevi 3:16

Sasendote akayilumbe ha chilumbilo, che kulia cha ku mulambu wa kahia wa lupembo mupema. Maji eswe a mbala a Yehova.

Alevi 4:1

Yehova yamba kuli Mose ngwenyi,

Alevi 6:15

Akazo-moneko kwoko lienyi lia wunga wafufunuka wa mulambu wa wunga, ni maji jawo, ni libano yeswe yili ha mulambu wa wunga, akayilumbe ha chilumbilo yikapwe ya lupembo mupema, Chiwulwiso chawo kuli Yehova.

Alevi 6:18

Malunga eswe hakachi ka ana ja Arone makachilia, chihanda cho cha mutolo ndusu yisemuko yenu yeswe cha ku milambu ya kahia kuli Yehova. Mweswe makayikwata makapwa musandu.

Alevi 6:22

Mba mwe sasendote wa kuwayisa ni maji kumusalakana hakachi ka ana jenyi akaulambule. Chino chiyulo cha mutolo—akaulumbe wupu kuli Yehova.

Alevi 7:23

Amba kuli A-Izalele ngwe, Kanda nulia maji, apwe a ngombe, apwe a panga, apwe a pembe.

Alevi 7:34

Mumu pambo lia kuhungisa ni chilama cha kuzundula ngunatambula kuli A-Izalele ku yitapo ya milambu yo ya sambukila, hingunayihana kuli sasendote Arone ni anenyi a malunga, yikapwe yihanda yo ya mutolo ya kuli A-Izalele.

Alevi 7:36

Yehova watumine A-Izalele akaahecho ha tangwa lize waawayishile ni maji; chiyulo cha mutolo ndusu yisemuko yo yeswe.

Kwalula 19:21

Chikapwe chiyulo cha mutolo kuli ayo. Mukwa kusapwila e meya a kupemesa no akakose mazalo jenyi. Mweswawo makwata ku meya a kupemesa no akapwe wa luchisa ndo ha chingoloshi.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Mateu 26:28

mumu musenge uno manyinga jami a usendo waha waze anamwangana hali anji ha ukonekeno wa milonga.

Yilinga 15:29

ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Efesu 5:26

hanga akachisele chisandu, akachipemese ku kusanyisa cha meya ni tachi ja liji,

Shimbi 12:16

Chino wika, kanda nulia manyinga, nukaazujile hashi ngwe meya.

Shimbi 12:23

Chino wika, nuse chinyingi ngwami, Kanda nulia manyinga; mumu te manyinga kapwa mwono; kanda nulia mwono hamwe ni yifwo.

Shimbi 12:24

Kanda nwalia, nukaazujile hashi ngwe meya.

Shimbi 15:23

Chino wika, kanda nulia manyinga jenyi, nukaazujile hashi ngwe meya.

Shimbi 32:14

Maji a yamwa ya ngombe, ni yamwa ya mapanga, ni maji a ana-mapanga ni kuji a mapanga, yendo ya ku Mbashane hamwe ni pembe, hamwe ni tiliku yipema yahiana. Wanwine vinyu—e manyinga a uva.

1 Timoteu 4:4

Mumu chitanga cheswe cha Zambi kuchinapeme, kuchatambile kulituna nichimwe nyi machitambula ni kusakwila;