Alevi 3:16 - MUKANDA USANDU WA ZAMBI 1975

¹⁶ Sasendote akayilumbe ha chilumbilo, che kulia cha ku mulambu wa kahia wa lupembo mupema. Maji eswe a mbala a Yehova.

Mukanda Wa Zambi 1970

¹⁶ Hako akocha yino yeswe ha chilumbilo, yikaweme. Kuuli mulambu wa yakulia uze unawahila kuli Mwene Zambi. Maji eswe a mbala a Mwene Zambi.

Alevi 3:16 Iomraidhean Croise

Ubutukilo 4:4

Abele neye yatwala tupula-jimo a mu chendo chenyi hamuwika ni maii jo. Yehova yalemesa Abele ni mulambu wenyi.

2 Sango Ja Mianangana 29:35

Chikwo nawa milambu ya kulumba yapwile ya kulumbama, hamwe ni maji a milambu ya sambukila, ni milambu ya kunwa ha mulambu weswe wa kulumba. Chocho uvumbiko wa zuwo lia Yehova yaululika.

2 Sango Ja Mianangana 7:7

Chikwo nawa Solomone yasela ku usandu yize ya ha muchima kulutwe lia zuwo lia Yehova, mumu kwenako yalambula milambu ya kulumba, ni maji a ku milambu ya sambukila. Mumu chilumbilo cha unengu chize Solomone halinga, milambu ya kulumba, ni mulambu wa wunga, ni maji kuyateleho.

Kutuhuka 29:13

Ukachize maji eswe ku yingambiangambia yenyi ya muchima, ni maji a ha liayi, ni njiso jiali ni maji jaho, ukayilumbe ha chilumbilo.

Kutuhuka 29:22

Ukande nawa maji a mwe kuji ya panga ni muchila wa maji, ni maji ali ku yingambiangambia ya muchima, ni maji a ha liayi, ni njiso jiali, ni maji jaho, ni chilama cha chindume, mumu iye kuji ya panga wa kwatumbikila ku uvumbiko.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Alevi 17:6

Mwe sasendote akasapwile manyinga ha chilumbilo cha Yehova ku chikolo cha mbalaka ya chikungulwila. E maji akaalumbe akapwe lupembo mupema kuli Yehova.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Alevi 8:25

Mba yanda e maji, ni muchila wa maji, ni maji eswe a ha yingambiangambia, ni maji a ha liayi, ni njiso jeswe jiali ni maji jaho, ni chilama cha chindume.

Alevi 9:24

Kahia kakatukile kumeso ja Yehova yalalisa mulambu wa kulumba hamwe ni maji ha chilumbilo. Muze atu eswe hachimona, atetele mba yafulamana ha meso jo.

Mateu 22:37

Yesu wambile kuli iye ngwenyi, Ngwo, Ukazange Mwene Zambi-ye ni mbunge ye yeswe, ni mwono we weswe, ni kunyonga che cheswe.