Alevi 3:11 - MUKANDA USANDU WA ZAMBI 1975

¹¹ Sasendote akayilumbe ha chilumbilo, che kulia cha ku mulambu wa kahia kuli Yehova.

Mukanda Wa Zambi 1970

¹¹ Hako akayocha yeswe ha chilumbilo, yikaweme. Kuuli mulambu wa yakulia wa Mwene Zambi.

Alevi 3:11 Iomraidhean Croise

Miaso (Masamu) 22:14

Hinatehuka ngwe meya. Yifwaha yami yeswe hiyasengunuka. Mbunge yami yapwa ngwe sela, hiyasangunuka muchima lia jimo liami.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Alevi 21:17

Ambila Arone ngwe, Niumwe chilema hakachi ka ana je, ndusu yisemuko yo, kanda akundama kulambula kulia cha Zambi yenyi.

Alevi 21:6

Akapwe asandu kuli Zambi yo. Kanda akajilula jina lia Zambi yo. Mumu o kakulambula milambu ya kahia kuli Yehova, che kulia cha Zambi yo. Kashika akapwe asandu.

Alevi 21:8

Nukamusele ku usasendote mumu kakulambula kulia cha Zambi yenu. Akapwe musandu kuli yenu mumu yami Yehova mukwa kunusela ku usandu nguli musandu.

Alevi 22:25

Chipwe wamutambula kuli kandaka kanda umulambula akapwe kulia cha Zambi yenu. Se hapwa ni chipa ha kumuwonda, kashika kechi kuhasa kukusalakana.

Alevi 3:16

Sasendote akayilumbe ha chilumbilo, che kulia cha ku mulambu wa kahia wa lupembo mupema. Maji eswe a mbala a Yehova.

Alevi 3:5

Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Malaki 1:12

Alioze yenu nwakulijilula ha kwamba ngwenu, Mesa ya Yehova hiyapwa ya luchisa, ni kulia chayo mutuhasa kuchilelesa.

Malaki 1:7

Ha kulambula kulia cha luchisa ha chilumbilo chami. Nwakwamba ngwenu, Kuchi twachichisa? Ha kunyonga ngwenu, Mutuhasa kulelesa mesa ya Yehova.

Kwalula 28:2

Amba A-Izalele ngwe, Mulambu wami, kulia chami cha milambu yami ya kahia, ya lupembo mupema kuli yami, nukanyame kungutambula ha miaka yayo.

Kwalula 28:24

Nukalambule nikulita ni ndako yino tangwa ha tangwa, ha matangwa shimbiali, kulia cha mulambu wa kahia, cha lupembo mupema kuli Yehova. Nukachilambule kuweza ku mulambu wa kulumba wa matangwa eswe ni mulambu wawo wa kunwa.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

1 Korintu 10:21

Kunwahashile kunwa musenge wa Mwene, ni musenge wa andemoniu. Kunwahashile kutambula chihanda cha ku mesa ya Mwene ni cha ku mesa ya andemoniu.

Usolwelo 3:20

Tala, ngunamana ku pito, ngunangongwela: kachi umwe mevwa liji liami, mázulula pito, mungunjila kuli iye, mungulia hamwe nenyi, neye hamwe ni yami.