Alevi 3:1 - MUKANDA USANDU WA ZAMBI 1975

¹ Nyi kachi mulambu wenyi muukapwa chitapo cha sambukila, kachi matambula wa ngombe, chipwe kuji, chipwe chihwo, akamutambule keshi chipa kumeso ja Yehova.

Mukanda Wa Zambi 1970

¹ Muze umwe makalambula ngombe wa mulambu wa kulivwa ni Zambi, akabwa kuji hanji chihwo yoze keshi kapalia.

Alevi 3:1 Iomraidhean Croise

1 Sango Ja Mianangana 21:26

Mba David yatungako chilumbilo kuli Yehova. Yalambulako milambu ya kulumba, ni milambu ya sambukila nikutambika ha jina lia Yehova. Aye mwilu yamukumbulula ni kahia ha chilumbilo cha mulambu wa kulumba.

Kutuhuka 20:24

Ukangutungile chilumbilo cha mavu. Ukalambwileho milambu ye ya kulumba ni milambu ye ya sambukila, ni mapanga je ni ngombe je. Mu yihela yeswe kuze mungukaewulwisa jina liami kumungukakundama kuli yena. Kumungukakuwahisa.

Kutuhuka 24:5

Yatuma akweze a A-Izalele o alambwile milambu ya kulumba, yalambula kuli Yehova ngombe apwe milambu ya sambukila.

Kutuhuka 29:28

Yikapwe ya Arone ni ana jenyi a malunga ya kuli A-Izalele ni chiyulo cha mutolo. Kuwapwa mulambu wa kuzundula. Ukapwe mulambu wa kuzundula wa kuli A-Izalele wa ku milambu yo ya sambukila te milambu yo ya kuzundula kuli Yehova.

Yishima 7:14

Yitapo ya milambu ya sambukila nguli nayo. Musono hinamana yilakenyo yami.

Ezekiel 43:27

Muze hamana matangwa wano, mba chize ku tangwa liamuchinake kulutwe asasendote makalambwila ha chilumbilo milambu yenu ya kulumba, ni milambu yenu ya sambukila; mba mungukanutambula. Chocho kanambe Mwene Yehova.

Ezekiel 45:15

Ni panga umuwika ha chendo cha kulakaji aali, a ku kelo jipema ja Izalele. Uno wapwa mulambu wa wunga, ni milambu ya kulumba, ni milambu ya sambukila yikaakukile. Chocho kanambe Mwene Yehova.

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 17:5

hanga A-Izalele akanehe yitapo yo yize akushiha mu chifuchi cha woya akayihane kuli Yehova, kuli sasendote ku chikolo cha mbalaka ya chikungulwila. Akayishihe yitapo ya milambu ya sambukila kuli Yehova.

Alevi 3:6

Nyi mulambu wenyi wa chitapo cha sambukila kuli Yehova muukapwa wa panga, hanji pembe, chipwe kuji, chipwe chihwo, akamutambule keshi chipa.

Alevi 9:18

Yashiha mwe kuji ya ngombe ni mwe kuji ya panga nawa yitapo ya milambu ya sambukila hali e atu. Ana ja Arone a malunga yakunjika manyinga kuli iye, mba yaasapwila kwa kujingilika ha chilumbilo;

Alevi 9:4

ni kuji ya ngombe ni kuji ya panga akapwe milambu ya sambukila, akaatape kumeso ja Yehova; ni mulambu wa wunga wa kuchinga ni maji, mumu musono Yehova kumasoloka kuli yenu.

Amose 5:22

Chipwe munungulambula milambu yenu ya kulumba ni ya wunga chichi kuyitambula. Milambu yenu ya sambukila ni yimuna jenu a maji, chipwe kutala chichi kayitala.

Malaki 1:14

Akashingiwe mukwa kwonga auze kali ni kuji mu limba lienyi, mba mamulakenya ni shingo alioze malambula kuli Mwene chize Chinapiha. Mumu Yehova-wa-Tujita kanambe ngwenyi, Nguli mwanangana munene, ni jina liami kakulivwila woma hakachi ka mavungu.

Malaki 1:8

Ha kulambula yimuna afwa-meso, achi hi chipi ko? Ha kulambula waze apwa yitonji, ni akwa misongo, achi hi chipi ko? Hanenu milambu yino kuli nguvulu yenu. Mawaha ni yenu? Manuvwila vumbi? Chocho kanambe Yehova-wa-Tujita.

Kwalula 15:8

Muze mululika kuji ya ngombe akapwe mulambu wa kulumba, hanji chitapo, mukumanununa chilakenyo chimwe, hanji milambu ya sambukila kuli Yehova,

Kwalula 6:14

Iye akalambule kuli Yehova mulambu wenyi, te kuji ya panga wa mwaka umuwika keshi chipa, akapwe mulambu wa kulumba, ni chihwo cha panga wa mwaka umuwika keshi chipa, akapwe mulambu ha shili, ni kuji ya panga keshi chipa akapwe mulambu wa sambukila,

Kwalula 7:17

Yitapo ya milambu ya sambukila yapwile ya ngombe aali, ni kuji a mapanga atano, ni kuji a pembe atano, ni kuji a mapanga atano a mwaka umuwika; uno wapwile mulambu wa Nasone, mwana wa Aminandambe.

Kwalula 7:59

Yitapo ya milambu ya sambukila yapwile ya ngombe aali, ni kuji a mapanga atano, ni kuji a pembe atano, ni kuji a mapanga atano a mwaka umuwika; uno wapwile mulambu wa Ngamaliele, mwana wa Pedazure.

Shimbi 12:27

nulambule milambu yenu ya kulumba, ni yifwo, ni manyinga ha chilumbilo cha Yehova Zambi yenu. Manyinga a yitapo yenu nukaazujile ku chilumbilo cha Yehova Zambi yenu, nulie ye yifwo.

Kolosu 1:20

Muli iye kuwanyisa yuma yeswe kuli iye mwene, se hanalingi sambukila ku manyinga ja ku kulusu yenyi; kuli iye ngwami, Chipwe yuma ya hano hashi, hanji yuma ya mu malilu.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

Akwa Kuyula 20:26

Mba A-Izalele eswe, e tujita eswe, yakanduka ku Mbetele mukulila. Yatwamako kumeso ja Yehova, ni kulia ka ndo ngoloshi. Yalambula milambu ya kulumba, ni milambu ya sambukila kumeso ja Yehova.

Akwa Kuyula 21:4

Mu kucha atu alimenekene, yatungilako chilumbilo, yalambula milambu ya kulumba, ni milambu ya sambukila.