Alevi 27:8 - MUKANDA USANDU WA ZAMBI 1975

⁸ Nyi mutu mapwa chiswale naye kufweta ndando yize munumusela, akanehe mwe mutu kuli sasendote, mba sasendote mamusela ndando. Mamusela ndando nikulita ni kuhasa cha yoze walakenyene chilakenyo.

Mukanda Wa Zambi 1970

⁸ Nyi mutu kali chiswale, kahashile kufweta ndando yize, akamutwala kuli hako, mba mwe hako mamusela ndando yize mahasa kufweta.

Alevi 27:8 Iomraidhean Croise

1 MIANANGANA 7:5

Yakatuka ha kajimba-usoko akaye ku chilombo cha A-Seria. Alioze ha kuheta ku songo lia chilombo cha A-Seria kumanyi niumwe mutu keshiko.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 27:7

Nyi hahiana makumi asambano a miaka munumusela ndando, hali lunga kumi lia shekele ni shekele jitano; hali pwo kumi lia shekele.

Alevi 27:9

Ha kutwala kuli chimuna yoze mutu matambula mulambu kuli Yehova, o eswe mutu mahana kuli Yehova hapwa asandu.

Alevi 5:11

Nyi kahashile kuneha tutele aali, hanji ana-a-membe aali, mba akanehe mulambu wenyi ha uhie wenyi, ngwami, Chihanda chimuwika cha ku kumi lia yihanda ya efa ya wunga wafufunuka ukapwe mulambu ha shili. Kanda asaho maji niamwe, chipwe libano, mumu mulambu ha shili.

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.

Marku 14:7

Mumu yiswale nuli no hamwe ni yenu matangwa eswe, heswaho munuzanga kwalinga yipema munuhasa: alioze yami, kunushi ni yami matangwa eswe.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.