Alevi 27:26 - MUKANDA USANDU WA ZAMBI 1975

²⁶ Kapula-jimo wa chimuna se wapwa kapula-jimo, wa mbala wa Yehova, kashika niumwe mahasa kumusela ku usandu. Apwe wa ngombe, apwe wa panga, wa mbala wa Yehova.

Mukanda Wa Zambi 1970

²⁶ Chimuna cheswe chitangu kusemuka chili kulu cha mbala cha Mwene Zambi. Kashika mutu niumwe mahasa kuchilambula mulambu wa kuzanga chenyi mwene. Mwana ngombe ni mwana panga ni mwana pembe kaali a mbala a Mwene Zambi.

Alevi 27:26 Iomraidhean Croise

1 MIANANGANA 7:5

Yakatuka ha kajimba-usoko akaye ku chilombo cha A-Seria. Alioze ha kuheta ku songo lia chilombo cha A-Seria kumanyi niumwe mutu keshiko.

Nehemia 10:36

Tukanehe nawa tupula-majimo twa ana jetu a malunga, ni twa yimuna yetu, ngwe chinasonewa mu shimbi, ni atangu a kuli pembe, ni mapanga, kuneha ku zuwo lia Zambi yetu kuli asasendote aze akuvumbika mu zuwo lia Zambi yetu.

Kutuhuka 13:2

Nungusele ku usandu tupula-majimo eswe hakachi ka A-Izalele, atangu kusemuka kuli atu ni kuli yimuna; ni nyami.

Kutuhuka 22:30

Chizechene ukalinge ni ngombe je ni mapanga je. Mwana atwame ni naye matangwa shimbiali. Ha tangwa liamuchinake ukamuhane kuli yami.

Alevi 27:27

Nyi wapwa chimuna wa luchisa mamulanda ha ndando munumusela nikuweza chihanda cha tano. Nyi kamukulile munumulanjisa ha ndando yenyi.

Kwalula 18:17

Kapula-jimo wa ngombe, hanji kapulajimo wa panga, hanji kapula-jimo wa pembe, kanda ukaakula; o kapwa asandu. Ukasapwile manyinga jo ha chilumbilo. Ukalumbe maji jo akapwe mulambu wa kahia, wa lupembo mupema kuli Yehova.

Kwalula 3:13

mumu tupula-majimo eswe ninyami. Ha lie tangwa nalambile tupula-majimo eswe a mu chifuchi cha Engitu, tupula-majimo eswe a A-Izalele ni a atu ni a tushitu yingwasela ku usandu hali yami mwene. Kumakapwa a yami. Yami Yehova.

Shimbi 15:19

Tupula-majimo eswe a kuji masemuka ku ngombe jenu ni ku mapanga jenu, nukaasele ku usandu kuli Yehova Zambi yenu. Kanda nulinga milimo ni tupula-majimo a ngombe, kanda nutewula tupula-majimo a mapanga.