Alevi 27:13 - MUKANDA USANDU WA ZAMBI 1975

¹³ Alioze nyi mazanga kumukula, chamutamba kuwezaho chihanda cha tano ku ndando yenyi.

Mukanda Wa Zambi 1970

¹³ Nyi ngwe mutu mazanga kuchikula, chamutamba kuwezela ho Chihanda cha muchitano cha ndando.

Alevi 27:13 Iomraidhean Croise

Alevi 22:14

Nyi mutu malia chuma chisandu kachinyingikine akawezeho chihanda cha tano ku ndando yacho akahilwise che chuma chisandu kuli sasendote.

Alevi 27:10

Kanda asalakanyisa mupema hali mupi, hanji mupi hali mupema, chipwe kwasumbakenya. Nyi masalakanyisa chimuna hali chimuna, mba mwe chimuna ni yoze asalakanyisanga kumapwa asandu.

Alevi 27:12

Sasendote mamusela ndando nikulita ni upeme wenyi hanji upi wenyi. Ndando yeswayo sasendote mamusela yenayo lume.

Alevi 27:14

Muze mutu masela zuwo lienyi lisandu kuli Yehova sasendote masela ndando nikulita ni upeme walio hanji upi walio. Ndando malisela kuli sasendote, yenayo lume.

Alevi 27:15

Nyi mukwa kusela ku usandu lie zuwo mazanga kulikula maweza chihanda cha tano ku ndando ya zuwo, mba mulipwa nilienyi.

Alevi 27:19

Nyi mukwa kusela ku usandu munda mazanga kuukula maweza chihanda cha tano cha ndando ya mbongo, mba muusala niwenyi.

Alevi 27:27

Nyi wapwa chimuna wa luchisa mamulanda ha ndando munumusela nikuweza chihanda cha tano. Nyi kamukulile munumulanjisa ha ndando yenyi.

Alevi 5:16

Akawezeko nawa ha chize hahengesa mu yuma yisandu, akawezeko chihanda chamuchitano cha ndando akachihane kuli sasendote. Mba sasendote akamufukile shili yenyi ni panga wa mulambu wa uhie, amukonekeneyo.