Alevi 26:9 - MUKANDA USANDU WA ZAMBI 1975

⁹ Mungununyonga; mungunupwisa semi; mungunwokesa. Mungukolesa usendo wami ni yenu.

Mukanda Wa Zambi 1970

⁹ Mungukanuwahisa ni ana anji, mungukafunga Usendo wami uze nakolesele ni yenu.

Alevi 26:9 Iomraidhean Croise

Ubutukilo 1:28

Mba Zambi yaawahisa. Zambi yamba kuli ayo ngwenyi, Semenu nuliokese, nukazalise hashi, nukazeyeseho. Nukapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia tushitu eswe akwenda hashi.

Ubutukilo 17:20

Alioze ha kutwala kuli Ishemali, hinakwivwa, hinamuwahisa. Iye kumapwa semi, mungukamwokesa kuhiana. Kumi lia mianangana ni mianangana aali makasema. Mungukamupwisa vungu linene.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 28:14

Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 48:4

Yamba kuli yami ngwenyi, Mungukakupwisa semi, mungukakwokesa. Kuli yena mungukasemesa mbunga ya mavungu. Mungukahana chifuchi chino ku munyachi we chikapwe chihinga cha mutolo.

Ubutukilo 6:18

Alioze mungukolesa usendo wami ni yena. Kumukanjila mu ulungu, ni yena, ni ana je a malunga, ni mukwenu-pwo, ni mapwo ja ana je hamuwika ni yena.

1 Yitanga Ya Mianangana 3:8

Ni yami kavumbi ke napwa hakachi ka atu je a kusakula; atu anji kechi kuhasa kwasa chinyingi chipwe kwaalula mumu oka naye.

1 MIANANGANA 13:23

Alioze Yehova yaavwila vumbi ni keke; yaanyonga mumu ha usendo wenyi ni Apalahama, ni Izake, ni Yakomba. Kasolo kwaonwona, kanda achiambila kumeso jenyi.

Nehemia 2:20

Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Nehemia 9:23

Wokesele ana jo nawa ngwe matongonoshi a mwilu; waanjishile mu chifuchi chize wambile kuli atato ngwe, Mununjila ni kuchitambula.

Miaso (Masamu) 107:38

Kakwawahisa nawa akaliokese chikolo. Chipwe yimuna jo kechi kwatayiza katepuluka.

Miaso (Masamu) 89:3

Hingunakolesa usendo ni yoze namutongwele. Hingunalilakenya ni shingo kuli kavumbi kami David.

Kutuhuka 1:7

A-Izalele asemene, okele chikolo, alumbamine, akanganyine; chifuchi yichitakana no.

Kutuhuka 2:25

Zambi wamwene A-Izalele. Zambi yasa chinyingi.

Kutuhuka 6:4

Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 23:4

Mungwasela tufunga waze maafunga mba kechi kevwa nawa woma chipwe kulishimwoka. Niumwe makahona nawa. Chocho kanambe Yehova.

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Ezekiel 16:62

Mungukakolesa ni yena usendo wami mba munyingika yami nguli Yehova,

Ezekiel 36:9

Mumu nyingikenu yami nguli sali lia yenu; mungukatewulukila kuli yenu, mba makanuchipa ni kunulima.

Alevi 26:15

nyi munulelesa yiyulo yami, hanji mbunge jenu mujivwila kupiha yize mungutuma mba kunuchi kulinga shimbi jami jeswe, alioze munutangula usendo wami,

Luka 1:72

Mukulweza keke kuli tulamba twetu, mukwiwuluka usendo wenyi usandu;

Shimbi 28:11

Yehova makanuwahisa ni yikumba, ni ana a mijimba yenu, ni ana a yimuna jenu, ni mbuto ya mavu jenu, mu chifuchi chize Yehova walishingile kuli tulamba twenu kunwahacho.

Shimbi 28:4

Makawaha ana a ku mijimba yenu, ni mbuto ya ku mavu jenu, ni ana ja ngombe jenu, ni kwoka cha yimuna jenu, ni ana ja mapanga jenu.

Shimbi 7:13

Iye manuzanga yenu, makanuwahisa, makanwokesa. Iye makawahisa nawa ana a ku mijimba yenu, ni mbuto yakusoka ha mavu jenu, ni mbuto yenu, ni vinyu yenu, ni maji jenu, ni kwoka cha yimuna jenu, ni ana ja mapanga jenu, mu chifuchi alishingile iye kuli tulamba twenu kunwahacho.

Hebreu 8:9

Kuushi kulita ni usendo uze nakwachile ni tulamba twenu ha tangwa lize naakwachile ku kwoko mukwatwala haze lia chifuchi cha Engitu; mumu kanyongonwene mu usendo wami, kashika naahumbwile, chocho anambe Mwene ngwenyi,