Alevi 26:6 - MUKANDA USANDU WA ZAMBI 1975

⁶ Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Mukanda Wa Zambi 1970

⁶ “Mungukanwaha uhwimino mu chifuchi chenu, munukabwa nikubomba kanawa, niumwe kechi kanuvwisa woma. Mungukachiza tushitu a asasu mu chifuchi. Kukuchi kabwa jita niyimwe.

Alevi 26:6 Iomraidhean Croise

1 MIANANGANA 2:24

Aye yatala kunyima, yaamona, yaashinga ni jina lia Yehova. Mba kwatuhukile mu musenge ursu aali a yihwo, yapapulula makumi awana a akweze ni akweze aali.

1 Sango Ja Mianangana 22:9

Alioze musema mwana wa lunga, mukwa kuhwima mbunge, ni yami mungumwaha uhwimino kuli akwa kole jenyi kweswe kwa kumujingilika. Mumu jina lienyi mulipwa Solomone mba ha matangwa jenyi munguhana sambukila ni uhwimino kuli A-Izalele.

2 Sango Ja Mianangana 20:30

Chocho chifuchi cheswe cha Yehosofate chahwimine, mumu Zambi yenyi yamwaha kuhwima kweswe kwa kujingilika.

Jobe 11:19

Kumukapomba, niumwe mahasa kukukolesa woma. Anji meza nikuwunjila kuli yena.

Jobe 5:23

Chipwe mawe a mu yambu mapwa tusendo twe; ni ngongo ja mu yambu mapwa ni sambukila kuli yena.

Miaso (Masamu) 144:14

Ngombe jetu akapwe no yiteli yinene, ni kupupa chakuhi ni kutuhuka chakuhi, ni muteto wakuhi mu matapalo jetu.

Miaso (Masamu) 147:14

Hapwisa sambukila mu manjiza je. Hanakuzalisa ni tiliku yize yahiana kupema.

Miaso (Masamu) 29:11

Yehova mahana tachi kuli atu jenyi. Yehova mawahisa atu jenyi ni sambukila. Samu lia David, mwaso awimbile ha kusela ku usandu lie zuwo.

Miaso (Masamu) 3:5

Nakupomba, nakuya tulo, nakulaula mumu Yehova kakungufunga.

Miaso (Masamu) 4:8

Mungupomba, munguya tulo ni sambukila, mumu yena Yehova wika kuwakungutwamisa kawape.

Miaso (Masamu) 85:8

Kumungwivwa chize Zambi Yehova mamba, mumu kumamba sambukila kuli atu jenyi ni kuli asandu jenyi. Alioze kanda atewulukila nawa ku uhepuke.

Kutuhuka 23:29

Chichi kwahuma kumeso jenu ha mwaka umuwika kuchina che chifuchi muchikapwa chahululu mba tushitu a mu yambu makanwokela.

Yishima 3:24

Nyi mupomba kuchi kevwa woma; ewa ha kupomba, tulo twe mapwa apema.

Yishima 6:22

Muze muwenda muyikusongwela. Muze mupomba tulo muyikulayila. Muze mulaula muyihanjika ni yena.

Izaya 35:8

Kumukukapwa tapalo, jina lialio Tapalo Lisandu. Akwa luchisa kechi kapalikako ni akwa kupalikako kechi kapiasuka, chipwe mapwa yihepuke.

Izaya 35:9

Ndumba kechi kapwako; chipwe ngongo mukwa kupapulula kechi kakandukako. O kechi kaawanako alioze kule mendelamo.

Izaya 45:7

Nakulinga pangu, nakutanga milima, nakulinga yipema, nakutanga lamba, yami nakulinga yuma yino yeswe, mwe Yehova.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 31:26

Henaho nalawile, natalile; kumanyi tulo twami anguwahila.

Ezekiel 14:15

Nyi toungutuma ngongo kupalika mu chifuchi mba machenyeka ni kuchihichika cha hululu, chocho niumwe mapalikamo ha mukunda wa ngongo,

Ezekiel 14:17

Chipwe munguneha katana ha chifuchi ni kwamba ngwami, Katana apalike ndusu mu chifuchi, mba mungusutulaho atu ni tushitu,

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 34:25

Mungukakolesa no usendo wa sambukila. Mungukahuma tushitu eswe asasu mu chifuchi, mba mahasa kutwama mu puya ni kupomba mu musenge ni chipi chakuhi.

Ezekiel 34:27

Mitondo ya mu yambu muyikema mihuko yayo, ni e mavu mahana mbuto yo, mba atu makatwama mu chifuchi cho ni chipi chakuhi; mba makanyingika yami nguli Yehova muze mungukamakuna mbambo ja kuli jo ngukaapulule kuli waze aapichile.

Ezekiel 5:17

Mungukanutuma kapunga ni tushitu asasu kulimika ni yenu; o kumakanutambula ana jenu. Yilungo ni manyinga muyikapalika muli yenu; mungukanukokela katana. Yami Yehova hinahanjika.

Hosea 2:18

Ha tangwa lize mungukakukolesela usendo ni tushitu a mu yambu, ni tujila a mu tetela, ni tututu a hashi. Mungukamakuna mu chifuchi, mata, ni tutana, ni jita. Mungukakupombesa kuze chipi chakuhi.

Hosea 2:20

Mungukakumbata, yami mwene, ni umwenemwene mba kumukanyingika Yehova.

Alevi 25:18

Kashika munulinga nikulita ni yiyulo yami. Munufunga shimbi jami nikujilinga. Chocho munutwama kawape mu chifuchi.

Alevi 25:19

Chifuchi muchikema mbuto yacho ni yenu munukalia ni kukuta, mba munukatwamamo kawape.

Alevi 26:22

Mungutusula ngongo hakachi kenu kumakanwiya ana jenu, kumakanwonwona yimuna jenu. Kumakanutepulula hanga jila jenu jikalumuke puya.

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Alevi 26:7

Munuhuma akwa kole jenu; kumafwa ni katana kumeso jenu.

Mika 4:4

alioze mutu mweswe matwama mushi lia mutondo wenyi wa uva hanji mushi lia mutondo wenyi wa makuyu; niumwe maavwisa woma mumu kanwa lia Yehova-wa-Tujita hilinahanjika.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Hagai 2:9

Mba uhenya wa kusula wa zuwo lino muuhiana uze wa shakulu. Chocho kanambe Yehova-wa-Tujita. Ni muno mwene mungukahana kuwaha. Chocho kanambe Yehova-wa-Tujita.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yilinga 12:6

Muze Heronde ambile kumuneha haze, ufuku uze wene Petulu wapwile mu tulo mukachi ka maswalale aali, wa kukasa ni malenge aali: ni tulayi kulutwe lia pito alayile zuwo lia ususu.

A-ROMA 5:1

Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu;