Alevi 26:42 - MUKANDA USANDU WA ZAMBI 1975

⁴² mba mungwiwuluka usendo wami nakolesele ni Yakomba, ni usendo nakolesele ni Izake, ni usendo nakolesele ni Apalahama. Mungwiwuluka chifuchi.

Mukanda Wa Zambi 1970

⁴² mungukewuluka Usendo uze nakolesele ni Yakoba ni Isake ni Abrahama ni kushindakenya chilakenyo chami ha kwaaha chifuchi.

Alevi 26:42 Iomraidhean Croise

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 26:2

Yehova yasoloka kuli iye ngwenyi, Kanda upalumuka ku Engitu, twama mu chifuchi ngunakulweze.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 26:5

Mumu Apalahama wononokene ku liji liami, wafungile shiko liami, ni shimbi jami, ni yiyulo yami, ni yilakenyo.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Ubutukilo 35:12

Chifuchi nahanyine kuli Apalahama ni kuli Izake, munguchihana kuli yena ni ku munyachi we kulutwe lie.

Ubutukilo 9:15

Chocho mungwiwuluka usendo wami uze uli hakachi ka yami ni yena ni akwa mwono eswe a musunya weswe, mba meya kechi kapwa nawa sanga akanongese musunya weswe.

Ubutukilo 9:16

Kongolo kumakapwa mu lelwa, ni yami mungutalako hanga ngukewuluke usendo wa mutolo hakachi ka Zambi ni akwa mwono eswe a musunya weswe atwama hashi.

Estere 4:14

Mumu nyi yena muhola kwe kulungunga haliapwila ulamwino ni upulwilo muusoloka kuli A-Yunda kumwe kuma kweka, alioze yena ni akwa munyachi wa tatenu makuwa. Chikwo nawa, kwiji; hanji ha ola yino akuselele mu wanangana.

Miaso (Masamu) 106:45

Wewulukile usendo wenyi mumu hali ayo. Walikonyekene nikulita ni kulumbama cha utu wa zango lienyi.

Miaso (Masamu) 136:23

Yoze watwiwulukile ku ulelu wetu; mumu utu wa zango lienyi wa mutolo.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Kutuhuka 6:5

Chikwo nawa hinevwa mikuma ya A-Izalele hanaakase kuli A-Engitu mu upinji. Hinewuluka usendo wami.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Ezekiel 16:60

hindu yami mungwiwuluka usendo wa yami ni yena ha matangwa a wana-mapwo we, mba mungukakukolesa ni usendo wa mutolo.

Joele 2:18

Henaho Yehova yevwa ukwa wa chifuchi chenyi. Yavwila keke atu jenyi.

Luka 1:72

Mukulweza keke kuli tulamba twetu, mukwiwuluka usendo wenyi usandu;

Shimbi 4:31

Mumu te Yehova Zambi yenu iye Zambi ya keke. Kechi kanwehuka yenu, chipwe kumwonwona, ka, chipwe kuvulama usendo wa tulamba twenu iye walishingile kuli ayo.

Shimbi 9:27

Iwulukenu tuvumbi twenu, Apalahama, ni Izake, ni Yakomba. Kanda nutala upama wa atu ano, chipwe ungulungulu wo, chipwe mulonga wo,

Akwa Kuyula 2:1

Mba mungelo wa Yehova yakatuka ku Ngilingali yaya ku Mbokimi. Yamba ngwenyi, Nanuchijile ku Engitu; yingunu-neha ku chifuchi chino nalakenyene ni shingo kuhana kuli tulamba twenu. Yingwamba ngwami, Chichi kutangula usendo hakachi ka yenu ni yami.