Alevi 26:41 - MUKANDA USANDU WA ZAMBI 1975

⁴¹ chocho yami nalimikine no nikwatwala ku chifuchi cha akwa kole jo, ngwami, nyi mbunge jo ja ulima mujililelesa, mazeya ku lufumbo wami wa uhenge wo,

Mukanda Wa Zambi 1970

⁴¹ Yaangwihia ha kulimika no, mba yingwatuma mu undungo mu chifuchi cha akwa kole jo. Ha kusula, muze vungu lienu haamona lamba mumu ha milonga yo ni ha uhulia wo,

Alevi 26:41 Iomraidhean Croise

1 Yitanga Ya Mianangana 21:29

Wamona chize Ahabe halikehesa kuli yami? Kashika chichi kuneha che chipi mu matangwa jenyi mumu halikehesa kuli yami alioze munguneha chipi ha munyachi wenyi mu matangwa ja mwanenyi.

2 Sango Ja Mianangana 12:12

Muze iye halikehesa, ufwatulo wa Yehova kuwejile hali iye; kazangile kumwonwona liakulu. Chikwo nawa kwapwile yimwe yuma yipema mu Yunda.

2 Sango Ja Mianangana 32:26

Alioze Hezekia yalikehesa mumu ha kulengumuka cha mbunge yenyi, iye ni akwa Yerusaleme hamwe, kashika ufwatulo wa Yehova kuwejile hali ayo ha matangwa a Hezekia.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 33:23

Kalilelesele kumeso ja Yehova ngwe tato Manase walilelesele, alioze yono Amone wawezelele Utanguko helu nawa.

Ezra 9:13

Lamba lino Zambi yetu hatwaha liakeha ha unene wa unhenge wetu, se hiwatuhichika atu amwe a piliwiji. Mba helu lia yino yuma yeswe hiyatupwila mumu ha yitanga yetu yipi ni uhie wetu unene,

Ezra 9:15

Yehova, Zambi ya Izalele! Uli mukwa ululi! mumu hitwasala ngwe atu a piliwiji a kwomboka—chize twapwa kumeso je musono. Tala, tuli kumeso je ni uhie wetu, mumu niumwe mahasa kumana kumeso je mumu ha chino chuma.

Nehemia 9:33

Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Miaso (Masamu) 39:9

Napwile kamama, chapakwile kanwa liami mumu yena wachilingile.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 6:10

Kuli iya munguhasa kuhanjika nikumutoweza hanga akangwivwe? Matwi jo hanajiki, kahashile kupanjika. Liji lia Yehova liapwa kuli ayo chuma cha kulelesa, kawahililile nalio.

Ezekiel 14:23

O manulembejeka ha kumona ndako jo ni yitanga yo. Mba mununyingika, kumanyi yize nalingile chayilingile chikuma chakuhi. Chocho kanambe Mwene Yehova.

Ezekiel 20:43

Kwenako munukewuluka ndako jenu ni yitanga yenu yeswe yize nwalichishile nayo, mba munukalivwila lwaji yenwene ha mukunda wa yipi yeswe hinwalinga.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Ezekiel 44:9

Kashika Mwene Yehova kanambe ngwenyi, Hakachi ka tundaka waze eswe ali hakachi ka A-Izalele niumwe kandaka, chilima mu mbunge yenyi ni mu musunya wenyi, makanjila mu zuwo liami lisandu.

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Alevi 26:24

mba ni yami nawa mungulimika ni yenu. Yami mwene mungunulamba yisuho shimbiali ha milonga yenu.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Kwalula 5:7

hohene akashikise mutonga havulumuna; nikulita ni mutonga wenyi akafwete yeswe lukombo, mba hikuwezaho chihanda chimuwika cha ku yihanda yitano, akahane kuli mwe mwenya mutonga.

Mateu 23:12

Mweswawo malinangamisa, kumakamulelesa; ni mweswawo malilelesa, kumakamunangamisa.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Luka 18:14

Ngunambe kuli yenu ngwami, Yono wapalumukine ku zuwo lienyi mukwa kusamba, hi mukwo ko. Ni mweswe malinangamisa makanuhetesa; alioze yoze malilelesa kumakamunangamisa.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Shimbi 10:16

Nulipwise ngalami, nuchize ulima wa mbunge jenu, kanda nupwa akwa kupangula nawa.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 31:21

Ha kwiza hali ayo yipi yinji ni lamba linji, mwaso uno muukashindakenya kumeso jo ukapwe chela; mumu kechi kauvulama ku makanwa ja ana jo; mumu ngunanyingika kutaka cho anatake haliapwila, shimbu kanda ngwahetesa mu chifuchi nalishingile kwaaha.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Kolosu 2:11

Muli iye hananupwisa ngalami, ni ungalami hi wa kulinga ni moko ko, ha kuzula mujimba wa musunya mu ungalami wa Kristu;