Alevi 26:4 - MUKANDA USANDU WA ZAMBI 1975

⁴ mba mungunwaha vula ha tukweji twenyi, ni e mavu mahana mbuto, ni mitondo yeswe muyihana mihuko yayo.

Mukanda Wa Zambi 1970

⁴ mba mungukanwaha vula ha mwaka wenyi, hanga mu chifuchi mukeme mbuto ni mihuko yinji.

Alevi 26:4 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

Jobe 5:10

Kakunokesa vula hashi, kakutuma meya ha minda.

Miaso (Masamu) 104:13

Ku yipatulo ya mwilu kakuhinjila meya ha milundu; hashi kuhakuyuka ni yitanga ye.

Miaso (Masamu) 67:6

Mavu a hashi makema tachi jaho; ni Zambi, iye Zambi ya yetwene, matuwahisa.

Miaso (Masamu) 67:7

Zambi matuwahisa, atu eswe ndo ku masongo a hashi mamuvwila woma.

Miaso (Masamu) 68:9

Yena Zambi watumine vula wa kulumbama. Chihinga che waatakamishine muze evwile yikatalo.

Miaso (Masamu) 85:12

Ewa, Yehova kumahana chize Chinapeme, mba chifuchi chetu muchikahana mbuto ya kulumbama.

Miaso (Masamu) 85:13

Ululi muukamutetekela. Kumakatwendesa mu jila ya ngano jenyi.

Izaya 30:23

Iye kumakanwaha vula ha mbuto yize munukakuwa hashi, ni mbuto yize muyima ku mavu, mba muyipwa yipema ya kulumbama. Ha tangwa lize nawa yimuna jenu makalia ku ulilo unene.

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Ezekiel 36:30

Mungukalumbamisa mihuko ya mitondo ni mbuto ya mu minda; kunuchi kapinda nawa ni sau lia kapunga hakachi ka mavungu.

Joele 2:22

Enu tushitu a mu yambu, kanda nwivwa woma, mumu kelo ja mu puya hijasokoloka, ni mitondo yinemi mihuko. Mutondo wa uva ni mukuyu yinahana tachi jayo.

Alevi 25:19

Chifuchi muchikema mbuto yacho ni yenu munukalia ni kukuta, mba munukatwamamo kawape.

Alevi 25:21

Yami mungutuma kunuwahisa ha mwaka wamuchisambano chocho mukukema mbuto ya miaka yitatu.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 11:14

mungunokesa vula ha chifuchi chenu ha mwaka wenyi, vula musazu ni vula wa samakwasa, hanga nuhase kukunga mbuto jenu ja kulia chenu ni vinyu yenu, ni maji jenu.

Shimbi 28:12

Yehova makanupakwila upite wenyi upema wa mwilu, mukunokesa vula wa chifuchi chenu ha mwaka wenyi, mukuwahisa milimo yeswe ya moko jenu. Munukahana mikuli ku mavungu anji, alioze kunuchi katambula mikuli.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.

Usolwelo 11:6

Wano chiyulo akwete cha kuyika lilu, hanga vula kechi kanoka ha matangwa ja uprofeto wo: o chiyulo akwete ha meya cha kwaalumuna manyinga, ni cha kulamba hashi ni lamba lieswe lieka ni lieka, cheswe mazanga.