Alevi 26:39 - MUKANDA USANDU WA ZAMBI 1975

³⁹ Waze hakachi kenu kafwile kumakawangamina mu yifuchi ya akwa kole jenu mumu ha uhenge wo. Ha uhenge wa akako nawa kumakawangama ngwe ayo nawa.

Mukanda Wa Zambi 1970

³⁹ Waze maakasala ni mwono mu chifuchi cha akwa kole jenu maakawangama mumu ha milonga yenu ni ha milonga ya tushakulu twenu.

Alevi 26:39 Iomraidhean Croise

2 Sango Ja Mianangana 34:24

Yehova kanambe ngwenyi, Mungukoka chipi ha chifuchi chino ni hali atu jamo, chipwe mashingo eswe anasonewa mu mukanda hatanga kuli mwanangana wa Yunda.

Ezra 9:7

Chize ku matangwa ja tulamba hitwahia pundu ndo musono; mba ha uhenge wetu, yetu ni mianangana jetu, ni asasendote jetu, hanatukunjika ku moko ja mianangana ja yifuchi ku katana, ni ku ufunge, ni kutupupa, ni kutuhepwisa chize chapwa musono

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Izaya 14:21

Lulikenu kushiha ana jenyi a malunga mumu ha mulonga wa atato, kuchina hanji makatuka ni kuzuka hashi, ni kuzalisa hano hashi ni yihunda yo.

Izaya 24:16

Chize ku masongo a hashi tunevu miaso ya uhaliso, ya uhenya kuli Mukwa Ululi. Hindu yami ngunambe ngwami, Ngunapokieka, ngunapokieka. Lamba liami! Mumu akwa mafwefwe kanalingi ni mafwefwe, ni akwa mafwefwe kanalingi chikolo ni mafwefwe.

Jeremia 29:12

Mba munutambika kuli yami, nikwiza ni kulemba kuli yami mba mungunwivwa.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 31:29

Ha matangwa aze kechi kwamba nawa ngwo, Atato halia uva jisasu mba mu makanwa ja ana mwapangaminya.

Lungungu 1:3

Yunda hanayi ku unjize mumu ha luyinda ni undungo ukalu. Haliapwila kanatwama hakachi ka mavungu alioze kawanyine uhwimino; akwa kumuhanga hamukwata hakachi ka kulifwita chenyi.

Lungungu 4:9

Waze afwile ni katana muhapwa, waze afwile ni zala lamba amwene. O apokiekele, a kutuwa mumu ha kuhona mihuko ya ku mavu.

Ezekiel 18:19

Hindu munwamba ngwenu, Kuchi te mwana kechi kamona lamba ha uhenge wa tato? Nyi mwana halinga chize chinalite ni shimbi, Chinalulama; hatala kanawa akafunge yiyulo yami yeswe, aye kumakatwama ni mwono.

Ezekiel 20:43

Kwenako munukewuluka ndako jenu ni yitanga yenu yeswe yize nwalichishile nayo, mba munukalivwila lwaji yenwene ha mukunda wa yipi yeswe hinwalinga.

Ezekiel 24:23

Munulikashila mahina ja ha mitwe yenu, ni kuzala haku jenu, alioze kunuchi kulishimwoka, chipwe kulila, alioze munukaliwangamisa mu uhenge wenu, ni kutwa mikuma umwe kuli mukwo ni mukwo.

Ezekiel 33:10

Ni yena mwana mutu, amba kuli akwa munyachi wa Izalele ngwe, Enu hinwamba ngwenu, Utanguko wetu ni milonga yetu hiyatushata, mba tunawangama nayo; kuchi mutuhasa kutwama ni mwono?

Ezekiel 36:31

Henaho munukewuluka ndako jenu jipi ni yitanga yenu yize kuyapemene; mba munukalivwila lwaji ha mukunda wa uhenge wenu ni yitanga yenu ya lwaji.

Ezekiel 4:17

Chino munguchilinga hanga akahone mbolo ni meya, akatale umwe kuli mukwo nikulishimwoka, nikupokieka ni uhenge wo.

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Zakaria 10:9

Chipwe naamwangine hakachi ka mavungu, hindu ku yifuchi ya kusuku makangwiwuluka; mba makatwama ni mwono, makahiluka hamwe ni ana jo.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Shimbi 28:65

Hakachi ka mavungu aze kunuchi kawana uhwimino, chipwe ku yiliato yenu. Yehova makanwahako mbunge ya kuchikima, ni kufuwalala cha meso, ni chinyengo cha mbunge.

Shimbi 30:1

Muze yino yuma yeswe hiyeza hali yenu, che chiwape ni lie shingo, hinasa kumeso jenu, mba ha kwiwuluka hakachi ka mavungu eswe kuze Yehova Zambi yenu hanuhumina,

Shimbi 5:9

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Shimbi 8:20

Enu nawa munukakuwa ngwe mavungu aakuwishile kuli Yehova kumeso jenu mumu te kunusolo kupanjika liji lia Yehova Zambi yenu.