Alevi 26:36 - MUKANDA USANDU WA ZAMBI 1975

³⁶ Ha kutwala kuli waze akwenu masala mungutuma kulezumuka mu mbunge jo mu yifuchi ya akwa kole jo. Kuholoka cha lifwo muchiachinyisa, ngwe mutu wakuchina katana chocho machina, mba malimbuka chipwe kaahangile niumwe.

Mukanda Wa Zambi 1970

³⁶ “Kuli akwenu waze maakabwa mu undungo, mungukeevwisa mwongo. Ha kuhehuka cha lifwo maakachina. Munukachina ngwe mutu yoze unachina mu jita, munukalimbwoka chibwe mukwa kole keshiko.

Alevi 26:36 Iomraidhean Croise

Ubutukilo 35:5

Chocho yaya, mba woma wunji wapwile ha membo eswe a kwajingilika. Kakawile ana ja Yakomba.

Ubutukilo 4:12

Chize ku tangwa lia musono muze mulima ha mavu kechi kukwaha tachi jo. Kumukapwa mukwa kuchina kanda chendanganyi hano hashi.

2 Sango Ja Mianangana 14:14

Yapupa yihunda yeswe ya kujingilika Ngerare mumu woma wa Yehova waakwata. Yatambula upite mu yihunda yeswe mumu te yihunda ya upite wunji.

Jobe 13:25

Te mukolesa woma lifwo lia kuhehuka ni fuji, hanji kuhanga yizungu yumu?

Miaso (Masamu) 53:5

Apwile ni woma wunji, kuze te kukushi woma, mumu Zambi hanamwange yifwaha ya waze akuselekele. Hiunaakolesa sonyi mumu Zambi hanalitunuo.

Miaso (Masamu) 53:6

Nyi kachi ulamwino wa Izalele hiwatuhuka kama mu Zaione! Muze Zambi mahilwisa ufunge wa atu jenyi, henaho Yakomba mawahilila; Izalele mevwa chiseke.

Miaso (Masamu) 89:43

Ewa, hiwafuwisa lutwilo wa katana kenyi. Kwamujikijishile mu jita.

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Izaya 30:17

Kanunu makachina ha kwomisa cha mutu umuwika. Ha kwomisa cha atano munuchina ndo munukapwa ngwe mutondo wa mbandeira helu lia mulundu, ngwe chilayi ha mundundena.

Izaya 7:2

Muze mukwa munyachi wa David hevwa ngwo, A-Seria halikata ni A-Eframe, mbunge yenyi ni mbunge ja atu jenyi jachikimine ngwe mitondo ya mu yambu yakutukunga ni fuji.

Izaya 7:4

Amba kuli iye ngwe, Panjika uhwime, kanda wivwa woma, ni mbunge ye kanda yilezumuka mumu ha yimbunji yino yiali ya kufwinda, chipwe ha utenu usasu wa Rezine ni Seria, ni mwe mwana Remalia.

Jeremia 37:10

Mumu chipwe munukumba tujita eswe ja A-Kaletea wano anase jita ni yenu, ndo mukusala waze halemana wika, mutu mweswe mu mbalaka yenyi, hindu kumakahinduka nikwocha chihunda chino ni kahia.

Jeremia 46:16

Chihuji chenu chatalingile, chalimbukile. Yamba umwe kuli mukwo ni mukwo ngwo, Katuka tuye nawa kuli atu jetu kwe ku chifuchi cha kusemuka chetu, mumu ha katana ka mukwa kupinjisa.

Lungungu 1:3

Yunda hanayi ku unjize mumu ha luyinda ni undungo ukalu. Haliapwila kanatwama hakachi ka mavungu alioze kawanyine uhwimino; akwa kumuhanga hamukwata hakachi ka kulifwita chenyi.

Lungungu 1:6

Uhenya weswe hiwakatuka kuli mwana-pwo Zaione. Alemu jenyi hanalumuka ngwe tupaji, waze kawanyine kelo. Achinyine ni tachi jakuhi kumeso ja mukwa kwahanga.

Lungungu 4:19

Akwa kutuhanga atambikile kuhiana mapupa mwilu. Yatuhanga ha milundu, yatujikinyina mu puya.

Ezekiel 21:12

Teta ni kulila mbimbi, ena mwana mutu, mumu kapwa wa kulimika ni atu jami, ni kulimika ni alemu eswe a Izalele. Hanaakunjika ku katana hamwe ni atu jami. Kashika Ulambe ha shina lia kulu lie.

Ezekiel 21:15

Hanga mbunge jo jikasangunuke ni anji akalimbuke ku yikolo yo yeswe, hinaaha katana wa kulejima, mama! Kapwa ngwe njaji; kapwa wa kucheka ha kuhana.

Ezekiel 21:7

Muze makuhula ngwo, Kuchi te unatu mikuma? ena muwamba ngwe, Mumu ha lusango. Muze makeza, mbunge yeswe muyisangunuka ni moko eswe mahonga; Spiritu yeswe muyilezumuka ni makungunwa eswe mapwa a upekepeke ngwe meya. Nyingikenu, kuchineza, mba kumuchikamanunuka. Chocho kanambe Mwene Yehova.

Hosea 8:3

Izalele halituna chipema. Akwa kole mamuhanga.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Alevi 26:35

Shimbu lieswe muchitwama kuchishi atu muchihwima we uhwimino kuchauwanyine mu Sambata jenu shimbu lieswe nwatwaminemo.

Shimbi 1:44

A-Amore akutwama ku chifuchi chize cha milundu, yatuhuka alimike ni yenu, yanuhanga ngwe puka akulinga, yanulamba hashi ku Sere, ewa ndo ku Horoma.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

Yoshua 7:5

Akwa Ayi ashihile ngwe makumi atatu a malunga ni malunga asambano hakachi ko. Yaahanga ku chikolo ndo ku Shebarimi nikwashiha ha kupalumuka. Kashika mbunge ja atu jasangunukine, jalumukine ngwe meya.

1 Samuel 17:24

Malunga eswe a Izalele muze hamona mwe lunga yachina ni woma wunji.