Alevi 26:33 - MUKANDA USANDU WA ZAMBI 1975

³³ Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Mukanda Wa Zambi 1970

³³ Mungukanukokela jita, ni kunumwangina mu yifuchi ya yilambala. Chifuchi chenu muchikabwa puya, ni membo jenu maakalumuka yikulu.

Alevi 26:33 Iomraidhean Croise

1 Yitanga Ya Mianangana 8:46

Nyi makuvulumuna (mumu kukushi mutu yoze kavulumwine) ni yena mukatenuka no nikwakunjika kuli akwa kole jo akaatwale funge ku chifuchi cha akwa kole jo chipwe kusuku chipwe hakamwihi,

1 MIANANGANA 25:9

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

2 Sango Ja Mianangana 7:19

Alioze nyi munutewuluka nikwehuka maliji jami ni shimbi jami jino hinasa kumeso jenu nukaye nikulingila mazambi eka nikwawayila,

Nehemia 1:3

Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Nehemia 1:8

Ngunalembe, iwuluka liji lize watumine kavumbi ke Mose ngwe, Nyi munuvulumuna mungunumwanga hakachi ka mavungu.

Estere 3:8

Mba Hamane yamba kuli mwanangana Ahashueru ngwenyi, Vungu limwe linamwangana hakachi ka yifuchi yeswe ya chiyulo chenu ni kulichinga ni mavungu akwo. Shimbi jo jalipwila ni shimbi ja mavungu eswe, chipwe shimbi ja mwanangana kajifungile. Kashika kuchatambile mwanangana kwatayiza.

Miaso (Masamu) 106:27

akanungwine munyachi wo hakachi ka mavungu nikwamwanga mu yifuchi.

Miaso (Masamu) 44:11

Hiwatukunjika ngwe mapanga aze haatongola apwe yifwo; hiwatumwanga hakachi ka mavungu.

Miaso (Masamu) 44:12

Hiwalanjisa atu je ndando yakuhi, kwafumbwile nichimwe ni ndando yo.

Izaya 1:7

Chifuchi chenu chapwa cha hululu; yihunda yenu hanayocho ni kahia; yilambala kanali chifuchi chenu kwe kumeso jenu; chapwa cha hululu, ngwe hanachipupu kuli yilambala.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 13:24

Mungunumwanga ngwe yizungu yize yakuhehuka ni fuji ya ku puya.

Jeremia 15:4

Mungwapwisa chuma cha lwaji kuli akwa mawanangana eswe a hashi mumu ha yize yuma Manase, mwana Hezekia, mwanangana wa Yunda walingile mu Yerusaleme.

Jeremia 31:10

Enu mavungu, panjikenu liji lia Yehova nukaliambulule ku yifuchi ya mbaka kusuku. Ambenu ngwenu, Yoze wamwangine Izalele kumakamukonga nawa ni kumufunga ngwe kafunga kakuhinga mapanga jenyi.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Jeremia 8:3

Yehova-wa-Tujita kanambe ngwenyi, Waze eswe malisalaho a ku munyachi uno upi mu yifuchi kuze naahuminyine makazanga Shinaho kufwa hi mwono ko.

Jeremia 9:16

Mungwamwanga hakachi ka mavungu kaanyingikine, chipwe tulamba two, mungwahanga ni katana ndo hinaanongesa.

Lungungu 1:1

Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Lungungu 1:3

Yunda hanayi ku unjize mumu ha luyinda ni undungo ukalu. Haliapwila kanatwama hakachi ka mavungu alioze kawanyine uhwimino; akwa kumuhanga hamukwata hakachi ka kulifwita chenyi.

Lungungu 4:15

Atu atambikile kuli ayo ngwo, Katukenu akwa luchisa! Katukenu! Katukenu! Kanda nungukwata! Chocho alumukine akwa kuchina, yendanganyi; atu ambile hakachi ka mavungu ngwo, Kechi katwama ni yetu nawa.

Lungungu 4:16

Yehova mwene haamwanga; kechi kaatala nawa. Kalemesene asasendote nichimwe; kalingile vumbi kuli makulwana.

Ezekiel 12:20

Yihunda ya atu makayenyeka, ni chifuchi muchikapwa cha hululu. Mba munukanyingika yami nguli Yehova.

Ezekiel 20:23

Chikwo nawa nalishingile kuli ayo mu puya ngwami, Mungwamwangina hakachi ka mavungu ni kwahumina ndusu mu yifuchi,

Ezekiel 22:15

Mungukanumwangina hakachi ka mavungu; mungukanuhumina ndusu mu yifuchi; mungukamanununa luchisa wenu hakachi kenu.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Shimbi 4:27

Yehova kumakanumwanga hakachi ka mavungu. Munukasala piliwiji hakachi ka mavungu kuze Yehova makanumwangina.

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.