Alevi 26:30 - MUKANDA USANDU WA ZAMBI 1975

³⁰ Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Mukanda Wa Zambi 1970

³⁰ Mungukabuzula ha mulundu yilumbilo yenu ya milambu ni ya kwochela yuma ya vumba libema. Afu jenu mungukaalumbika ha mahamba jenu. Mu utenu wami

Alevi 26:30 Iomraidhean Croise

Ubutukilo 19:13

Mumu mutwonwona limbo lino ha mukunda lufuma wo wahiana kumeso ja Yehova, mba Yehova hatutuma mukulionwona.

1 Yitanga Ya Mianangana 13:2

Yakololoka kulimika ni chilumbilo nikulita ni liji lia Yehova ngwenyi, Chilumbilo! Chilumbilo! Yehova kanambe ngwenyi, Umwe mwana makasemukina ku munyachi wa David jina lienyi Josia. Hali yena chilumbilo iye makashihila asasendote a manangamo waze akwochelaho insensu. Iye mochelaho yifwaha ya atu.

1 Yitanga Ya Mianangana 13:32

Mumu liji lize ambile ku kanwa lia Yehova lia kulimika ni chilumbilo cha Mbetele, ni kulimika ni mazuwo eswe ha manangamo a mu yihunda ya Samaria, kumulikamanunuka pundu.

1 MIANANGANA 23:16

Ha kutewulukako, Josia yamona mafuka aze apwile mu mulundu. Yatuma kuchiza yifwaha mu mafuka, yayocha ha chilumbilo akachichise nikulita ni liji lia Yehova lize mutu wa Zambi wambile ha kutwala ku yino yuma.

1 MIANANGANA 23:20

Yashiha ha yilumbilo asasendote eswe a manangamo awanyineko, nikwochelaho yifwaha ya afu. Mba yahiluka ku Yerusaleme.

1 MIANANGANA 23:8

Yachiza asasendote eswe ku yihunda ya Yunda; yachisa manangamo haze asasendote ochelele insensu, chize ku Ngeba ndo ku Mbia-shipa. Yapuzula manangamo a yikolo, aze apwile ku unjililo wa chikolo cha Yoshua mukwa kuyula chihunda, aze te apwile ha sali lia chimeso ku chikolo cha chihunda.

2 Sango Ja Mianangana 23:17

Atu eswe yaya ku zuwo lia Mbale, yalipuzula. Yapalwola yipalupalu yilumbilo venyi ni tuponya twenyi, ni kushiha Matane sasendote ya Mbale kulutwe lia yilumbilo.

2 Sango Ja Mianangana 31:1

Mba muze hamanuna yino yeswe, A-Izalele waze eswe apwileko yaya ku yihunda ya Yunda, yapalwola tuponya, yatetateta Ashera, yapuzula manangamo, ni yilumbilo, mweswe mu Yunda ni Mbenjamine, ni mu Eframe nawa ni Manase, ndo hayimanununa yeswe. Henaho A-Izalele eswe yahiluka mutu mweswe ku chihinga chenyi, eswe ku yihunda yo.

Miaso (Masamu) 106:40

Kashika ufwatulo wa Yehova wakasumukine wa kulimika ni atu jenyi. Wevwilile lwaji chihinga chenyi.

Miaso (Masamu) 89:38

Alioze hiunambila, hiunalitunu, hiunatenuka ni yoze wamuwayishile ni maji.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Jeremia 14:19

Hiunalitunu Yunda liakulu? Mbunge ye kuyazangile nawa Zaione? Kuchi te hiunatulambe ni kuwuka chakuhi? Twataliletalile uhwimino alioze chipema nichimwe kuchejile. Twataliletalile mwaka wa kuwuka alioze mwongo wejile.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Ezekiel 16:39

Mungukakukunjika kuli akwa zango lie mba makanunguna zuwo lie ha foro ni kupuzula mazuwo je asuku. Makakuzula mazalo je, makakutambula yuma ye ya uhenya upema ni kukuhichika uselesele kushi mazalo.

Ezekiel 43:7

Yamba kuli yami ngwenyi, Mwana mutu, muno mwapwa muma mwa ngunja yami, muma mwa yiliato yami, muno mungukatwama hakachi ka atu ja A-Izalele ndo ku miaka yeswe. Akwa munyachi wa Izalele kechi kachisa nawa jina liami, chipwe ayo, chipwe mianangana jo, hanji ku ukoi wo, hanji ku mijimba ya mianangana jo ha manangamo,

Ezekiel 6:13

Munukanyingika yami nguli Yehova muze afu jo, aze haashiha, makapombapomba hakachi ka mahamba jo kwa kujingilika yilumbilo yo, ni ha mundundena weswe usuku, ni ha mbulwa milundu, ni mushi lia mutondo weswe wa wisu, ni mushi lia mutondo weswe wa carvalho wa mafwo, kweswako hatambula insensu ya lupembo mupema ku mahamba jo eswe.

Hosea 10:2

Mbunge jo ja mafwefwe kashika chaatamba kumbata uhie wo. Yehova makapuzula yilumbilo yo nikwonwona manguji jo.

Alevi 20:23

Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji.

Alevi 26:11

Mungutwama hakachi kenu; mbunge yami kuyichi kunuvwila kole.

Alevi 26:15

nyi munulelesa yiyulo yami, hanji mbunge jenu mujivwila kupiha yize mungutuma mba kunuchi kulinga shimbi jami jeswe, alioze munutangula usendo wami,

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Shimbi 32:19

Yehova yachimona, yaalelesa mumu ha kwihia cha anenyi a malunga ni a mapwo.