Alevi 26:3 - MUKANDA USANDU WA ZAMBI 1975

³ Nyi munwenda nikulita ni yiyulo yami ni kufunga shimbi jami kujilinga,

Mukanda Wa Zambi 1970

³ “Nyi munwenda nikulita ni yiyulo yami ni kufunga Shimbi jami,

Alevi 26:3 Iomraidhean Croise

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Izaya 1:19

Nyi munwononoka ni mbunge munukalia yipema ya chifuchi;

Izaya 30:23

Iye kumakanwaha vula ha mbuto yize munukakuwa hashi, ni mbuto yize muyima ku mavu, mba muyipwa yipema ya kulumbama. Ha tangwa lize nawa yimuna jenu makalia ku ulilo unene.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Alevi 19:25

Alioze ha mwaka wamuchitano munukalia mihuko hanga yikeme ya kulumbama kuli yenu. Yami Yehova Zambi yenu.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Shimbi 7:12

Mba mumu te nunapanjika ku upatwilo uno ni kuufunga, ni kuulinga, kashika, Yehova Zambi yenu makafunga ni yenu we usendo ni we utu wa zango iye walishingile kuli tulamba twenu.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.