Alevi 26:25 - MUKANDA USANDU WA ZAMBI 1975

²⁵ Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Mukanda Wa Zambi 1970

²⁵ Mungukanutumina jita ni kunumwesa lamba muze munukashiha Usendo wetu. Nyi nwakunguluka mu membo jenu ha kubwa ni uhwimino, mungukanutumina misongo yize kuyishi kuhwa mukachi kenu, mba munukazeyela akwa kole jenu.

Alevi 26:25 Iomraidhean Croise

2 Samuel 24:15

Chocho Yehova yatuma chilungo hali A-Izalele chize ku chimene ndo ku ola yize asele. Kwafwile hakachi ka atu makumi shimbiali a tununu a malunga chize ku Ndane ndo ku Mbia-shipa.

1 Yitanga Ya Mianangana 8:33

Muze atu je A-Izalele maalamba kuli akwa kole jo mumu hakuvulumuna, nyi matewulukila kuli yena nikutayiza jina lie nikulemba nikuliumba kuli yena mu zuwo lino,

1 Yitanga Ya Mianangana 8:37

Nyi kachi kumukukapwa mu chifuchi hanji kapunga, hanji chilungo, hanji yimbwongo, hanji makonya, hanji makumbi, hanji yambi, nyi kachi akwa kole jo maaseleka mu chifuchi cha yihunda yo, musongo weswawo, kuyiza cheswacho muchiakwata,

1 MIANANGANA 17:3

Shalamanezere mwanangana wa Asuria yeza kulimika nenyi, mba Hoshia yalumuka kavumbi kenyi nikumulambula.

2 Sango Ja Mianangana 24:24

Mumu tujita twa A-Seria yeza ni kambunga kakepe ka malunga, alioze Yehova yakunjika kuli ayo chihuji chinene mumu hanehuka Yehova Zambi ya tulamba two. Chocho yalinga upatwilo hali Njoashe.

Miaso (Masamu) 94:1

Yehova, Zambi mukwa kukala; Zambi mukwa kukala, temuka kama.

Kutuhuka 5:3

O yamba ngwo, Zambi ya A-Hepreu hatakana ni yetu. Tunaliumbu, utweche, tuye wenyi wa matangwa atatu mu puya tukalambule yitapo kuli Yehova Zambi yetu, kuchina hanji iye matulundumukina ni chilungo hanji ni katana.

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Izaya 65:12

Mungunufunjikila katana, yenu eswe munuhetamina ku kufwa. Mumu ha kutambika chami, kunwakumbulwile, ha kuhanjika chami, kunwapanjikile. Alioze nwalingile chipi kumeso jami, nwatongwele chize yami Chawahililile nacho.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 24:10

Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Jeremia 50:28

Halakanenu! Kanachina akombokele ku chifuchi cha Babilonia akambulule mu Zaione kukala cha Yehova Zambi yetu, ha kukala chize alingile ku tembele yenyi.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 9:16

Mungwamwanga hakachi ka mavungu kaanyingikine, chipwe tulamba two, mungwahanga ni katana ndo hinaanongesa.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Ezekiel 14:17

Chipwe munguneha katana ha chifuchi ni kwamba ngwami, Katana apalike ndusu mu chifuchi, mba mungusutulaho atu ni tushitu,

Ezekiel 20:37

Mungukanupalikisa mushi lia mbwechi, mba mungukanuniisa mu muya wa usendo.

Ezekiel 29:8

Kashika Mwene Yehova kanambe ngwenyi, Mungukakukokela katana; mungukateta kuli yena ni mutu ni kashitu.

Ezekiel 33:2

Mwana mutu, hanjika ni atu je wambe kuli ayo ngwe, Nyi munguneha katana ku chifuchi, ni akwa chifuchi masakula umwe lunga hakachi ko akamupwise kalayi ko;

Ezekiel 5:17

Mungukanutuma kapunga ni tushitu asasu kulimika ni yenu; o kumakanutambula ana jenu. Yilungo ni manyinga muyikapalika muli yenu; mungukanukokela katana. Yami Yehova hinahanjika.

Ezekiel 6:3

Enu milundu ya Izalele, panjikenu liji lia Mwene Yehova! Mwene Yehova kanambe ku milundu ni mindundena, ku mishitu ni yikulo ngwenyi, Talenu, yami mwene mungukanukokela katana; mungukonwona manangamo jenu.

Hosea 11:6

Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Alevi 26:6

Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Habakuke 3:5

Kulutwe lienyi kwayile chilungo; misongo ya kulukumuka yamukawile kunyima.

Kwalula 14:12

Kumungwalamba ni chilungo, kumungwakundukila chifuchi, kumungupwisa yena vungu linene, liakangana, vungu lia ayo te likepe.

Kwalula 16:49

Mba afu ku chilungo apwile kumi lia tununu ni tununu awana ni kulakaji shimbiali, mba kuwezaho waze afwile mumu ha chikuma cha Kora.

Kwalula 31:3

Mose yamba kuli e atu ngwenyi, Hipakatenu malunga hakachi kenu aye ku jita, aye nikulimika ni A-Mindiane, mukulinga hali A-Mindiane kukala cha Yehova.

Luka 21:11

Kumukukapwa minyiko yinene kweka ni kweka, ni tupunga ni yilungo. Kumukukapwa yuma ya kuvwisa woma ni yilayi ya mwilu.

Shimbi 28:21

Yehova makanukwachisa chilungo, ndo makanumanuna ku chifuchi nunayi kuchizuka.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

Shimbi 32:41

Nyi munguhela katana kami ka uhenya nikukwata ku upatwilo, kumungulikala hali akwa kulimika ni yami mungufweta waze akunguvwila kole.

Akwa Kuyula 15:11

Mba tununu atatu a malunga a Yunda apalumukine ku chivwenge cha luliwe lwa Etame, yamba kuli Samasone ngwo, Mala, kwanyingikine, A-Filistea kapwa akwa kuyula kuli yetu? Chino unatulingi chika? Iye ngwenyi, Chizechene ngwe o anakangulinga, chocho ngunaalingi.