Alevi 26:22 - MUKANDA USANDU WA ZAMBI 1975

²² Mungutusula ngongo hakachi kenu kumakanwiya ana jenu, kumakanwonwona yimuna jenu. Kumakanutepulula hanga jila jenu jikalumuke puya.

Mukanda Wa Zambi 1970

²² Mungukanutumina tushitu ayilianyi mukachi kenu, hanga akashihe ana jenu, ni kwonona yimuna yenu. Atu akepe maakasala waze maakenda mu majila jenu.

Alevi 26:22 Iomraidhean Croise

1 MIANANGANA 17:25

Chapwile ha kuputuka kutwamako kevwilile woma Yehova, kashika Yehova yatuma ndumba hakachi ko; yashiha amwe.

1 MIANANGANA 2:24

Aye yatala kunyima, yaamona, yaashinga ni jina lia Yehova. Mba kwatuhukile mu musenge ursu aali a yihwo, yapapulula makumi awana a akweze ni akweze aali.

2 Sango Ja Mianangana 15:5

Ha miaka yize kukwapwile kuhwima, chipwe ha kutuhuka chipwe ha kunjila, alioze kulifwita chinji kuli atu eswe a mu yifuchi.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Izaya 33:8

Matapalo hanaahichika a mbozo; akwa kwendelamo keshiko. Usendo kakuutangula, yela kakwalelesa, kapalile atu.

Jeremia 15:3

Yehova kanambe ngwenyi, Mungusa hali ayo yonwonyi awana ngwami, Katana kushiha, ni tuwa kuwumbula, ni tujila a mu tetela, ni tushitu a hashi kulia ni kwonwona.

Jeremia 42:2

yamba kuli profeta Jeremia ngwo, Kuliumba chetu chikahete kumeso jenu nukatulembele kuli Yehova Zambi yenu, hali yetu eswe twasala, mumu twasala akehe wika hakachi ka anji ngwe meso jenu anatumono.

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Ezekiel 14:15

Nyi toungutuma ngongo kupalika mu chifuchi mba machenyeka ni kuchihichika cha hululu, chocho niumwe mapalikamo ha mukunda wa ngongo,

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 33:28

Mungukapwisa chifuchi cha kwenyeka, cha hululu, mba ndundo jenyi ja kulengumuka mujikasula. Milundu ya Izalele muyipwa ya kwenyeka, chocho niumwe mapalikamo.

Ezekiel 5:17

Mungukanutuma kapunga ni tushitu asasu kulimika ni yenu; o kumakanutambula ana jenu. Yilungo ni manyinga muyikapalika muli yenu; mungukanukokela katana. Yami Yehova hinahanjika.

Alevi 26:6

Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.

Shimbi 32:24

Makawangama ni zala. Makakuwa ni kusasaminya chá, ni yilungo ya utende. Mungwatuma mazo a ngongo ni utende wa tushitu a kukalala mu fufuta.

Akwa Kuyula 5:6

Mu matangwa a Shamgare mwana wa Anate, mu matangwa a Jaele atu kendele mu yendo. Waze endele apalikile mu tujila tuze twa kuswama.