Alevi 26:18 - MUKANDA USANDU WA ZAMBI 1975

¹⁸ Nyi chipwe chocho kunwanguvwile, mba mungunulamba cheka nawa yisuho shimbiali ha milonga yenu.

Mukanda Wa Zambi 1970

¹⁸ “Chibwe mungunumwesa lamba ngwe lize, hindu kunuchi kungwononokena, mungukanumwesa lamba yisuho shimbiali.

Alevi 26:18 Iomraidhean Croise

Miaso (Masamu) 119:164

Kashimbiali ha tangwa nakukuhalisa, mumu ha upatwilo we wa ululi.

Kutuhuka 9:14

Chisuho chino kumungutuma misongo yami yeswe ku mbunge ye, ni kuli ngamba je, ni kuli atu je, ukanyingike ngwe, Hashi heswe wakuhi niumwe walifwa ni yami, ka.

Yishima 24:16

Mumu mukwa ululi makalimbuka yisuho shimbiali hindu makatuka nawa; alioze yingulungulu kakwanunguna mu lamba.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Jeremia 14:4

Se vula wakuhi mu chifuchi, njimi kanevu sonyi, ni kufuka mitwe yo, mumu ha mavu a chinyengo.

Daniel 3:19

Henaho Nabukanezore yafuluka ni ufwatulo, ni meso jenyi alumukine kulimika ni Shadrake, ni Meshake, ni Abedenego. Yatuma kuweza kahia yisuho shimbiali helu lia kahia ka matangwa akwo.

Alevi 26:21

Nyi hindu munwenda nikulimika ni yami nikungwivwa ka, mba mungutuma yipupu yikwo hali yenu, muyihiana ha milonga yenu yisuho shimbiali.

Alevi 26:24

mba ni yami nawa mungulimika ni yenu. Yami mwene mungunulamba yisuho shimbiali ha milonga yenu.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

1 Samuel 2:5

Waze akuchile halilinga ngamba a kulingila kulia, alioze waze evwile zala kayivwile nawa. Ewa mumba hasema shimbiali, alioze mukwa ana anji hahonga.