Alevi 26:17 - MUKANDA USANDU WA ZAMBI 1975

¹⁷ Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Mukanda Wa Zambi 1970

¹⁷ Mungukalimika ni yenu, hanga akwa kole jenu akanukumbe, akanuyule. Munukevwa mwongo, munukalichinyina yenwene.

Alevi 26:17 Iomraidhean Croise

Ubutukilo 4:12

Chize ku tangwa lia musono muze mulima ha mavu kechi kukwaha tachi jo. Kumukapwa mukwa kuchina kanda chendanganyi hano hashi.

1 Yitanga Ya Mianangana 8:33

Muze atu je A-Izalele maalamba kuli akwa kole jo mumu hakuvulumuna, nyi matewulukila kuli yena nikutayiza jina lie nikulemba nikuliumba kuli yena mu zuwo lino,

1 MIANANGANA 13:3

Utenu wa Yehova wasasaminyine kulimika ni A-Izalele, mba yaahanahana matangwa eswe ku kwoko lia Hazaele mwanangana wa Seria, ni ku kwoko lia Mbene-Hadade mwana Hazaele.

1 MIANANGANA 13:7

Mwanangana wa Seria te hahichika kuli Jehoahaze makumi atano a akwa tuvwalu wika, ni kumi lia matemba-a-jita, ni kumi lia tununu twa maswalale a kwenda hashi. Mumu mwanangana wa Seria waonwene, waapwishile ngwe yizungu ya ha chizungwilo.

Miaso (Masamu) 44:10

Hiwatuhilwisa kunyima kumeso ja mukwa kulimika, ni waze akutuvwila kole kakulihupila upite.

Miaso (Masamu) 53:5

Apwile ni woma wunji, kuze te kukushi woma, mumu Zambi hanamwange yifwaha ya waze akuselekele. Hiunaakolesa sonyi mumu Zambi hanalitunuo.

Miaso (Masamu) 53:6

Nyi kachi ulamwino wa Izalele hiwatuhuka kama mu Zaione! Muze Zambi mahilwisa ufunge wa atu jenyi, henaho Yakomba mawahilila; Izalele mevwa chiseke.

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Izaya 30:17

Kanunu makachina ha kwomisa cha mutu umuwika. Ha kwomisa cha atano munuchina ndo munukapwa ngwe mutondo wa mbandeira helu lia mulundu, ngwe chilayi ha mundundena.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 44:11

Kashika Yehova-wa-Tujita, Zambi ya Izalele kanambe ngwenyi, Mungusa meso jami kulimika ni yenu kunulinga chikalu; ngukateteho A-Yunda eswe.

Lungungu 1:5

Akwa kulimika nenyi hanapu kulutwe; akwa kole jenyi kanawaha ha milimo yo, mumu Yehova hamuvwisa yikola, ha mukunda wa kulumbama cha milonga yenyi. Anenyi hanayi funge kumeso ja akwa kulimika.

Lungungu 2:4

Hanana uta wenyi ngwe mukwa kole ni kwoko lienyi lia chindume lia kusa ngwe mukwa kulimika. Hanashihi kulengumuka cheswe cha meso jetu mu mbalaka ya mwana-pwo Zaione; hanazukula ufwatulo wenyi ngwe kahia.

Ezekiel 15:7

Mungukasa meso jami kulimika no; mba chipwe malilamwina ku kahia hindu kahia mukaalalisa. Munukanyingika yami nguli Yehova muze mungukasa meso jami kulimika no.

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

Yoshua 7:4

Kashika ngwe tununu atatu akandukile a hakachi ka atu alioze achinyine kumeso ja akwa Ayi.

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.

Akwa Kuyula 3:14

Mba A-Izalele alingilile Eglone mwanangana wa Moape kumi lia miaka ni miaka nake.

Akwa Kuyula 3:8

Kashika utenu wa, Yehova wakasumukine hali A-Izalele. Yaalanjisa ku moko ja Kushane-Rishataime mwanangana wa Mesopotamia mba A-Izalele alingilile Kushane-Rishataime miaka nake.

Akwa Kuyula 6:2

A-Mindiane akumbile A Izalele mba A-Izalele alilingilile mena a kuswamina mu milundu, hi yivwenge, ni mbonge, mumu ha tachi ja A-Mindiane.

1 Samuel 12:15

Alioze nyi kunwapanjikile ku liji lia Yehova, hanji munukolema shimbi ja Yehova, kwoko lia Yehova kumulikalimika ni yenu chizechene ngwe lialimikine ni akakenu.

1 Samuel 31:1

A-Filistea ashile jita ni A-Izalele ni malunga a Izalele achinyine kumeso ja A-Filistea yafwa ha mulundu wa Ngilboa.

1 Samuel 4:10

Chocho A-Filistea ashile jita, yakumba A-Izalele. A-Izalele yachinyina mutu ku mbalaka yenyi mutu ku mbalaka yenyi. Kwapwile kushiha chinene, mumu kwafwile a kuli A-Izalele makumi atatu a tununu a maswalale a kwenda hashi.