Alevi 26:16 - MUKANDA USANDU WA ZAMBI 1975

¹⁶ chino mungulinga kuli yenu: Mungunutongwela mwongo wa susumuku, ni mukaka, ni kachiki yoze wakupokiekesa meso nikuhongesa mwono. Munukuwa mbuto yamokomoko, mumu akwa kole jenu mayilia.

Mukanda Wa Zambi 1970

¹⁶ mungukanumwesa lamba. Mungukanuvwisa mwongo ni kunukokela misongo yize kuyishi kuhwa, ni kachiki yoze wakupupuchisa meso ni kuhongesa mwono wenu. Munukakuwa mbuto yenu, alioze kunuchi kayilia nichimwe, mumu akwa kole jenu maakanukumba, maakalia yize hiyatatuka.

Alevi 26:16 Iomraidhean Croise

1 Yitanga Ya Mianangana 8:37

Nyi kachi kumukukapwa mu chifuchi hanji kapunga, hanji chilungo, hanji yimbwongo, hanji makonya, hanji makumbi, hanji yambi, nyi kachi akwa kole jo maaseleka mu chifuchi cha yihunda yo, musongo weswawo, kuyiza cheswacho muchiakwata,

Jobe 18:11

Mwongo wakumuchikimisa sali ni sali; nikumuzomba he ha tushijino twenyi.

Jobe 20:25

Machitomona mu mujimba wenyi; songo liacho lia kulejima mulikatuhuka mu kasashisa kenyi. Mwongo muumukwata.

Jobe 31:8

nyi chocho hingukuwe mbuto hanga ayilie kuli mukwo, ni yize muyingusokela, ayitukule.

Miaso (Masamu) 109:6

Upwise kama chingulungulu helu lienyi. Mukwa kulimika akamane kwe ku chindume chenyi.

Miaso (Masamu) 73:19

Susumuku hananongo. Hanatale wupu ni mwongo.

Miaso (Masamu) 78:33

Kashika wajimwine matangwa jo ngwe mwiku. Walalishile miaka yo ni mwongo.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Yishima 3:33

Shingo lia Yehova lili ha zuwo lia chingulungulu, alioze kakuwahisa muze mwatwama mukwa ululi.

Izaya 10:4

Nichimwe chasala chakuhi shina kuutama hakachi ka funge, hanji kufwa hakachi ka waze anaashihi. Chipwe chocho utenu wenyi kuwakondolokele; kwoko lienyi hindu kanalizozo.

Izaya 62:8

Yehova halishinga ni kwoko lienyi lia chindume, halishinga ni kwoko lienyi lia ndundo ngwenyi, Chichi kahana mbuto yenu kulisa akwa kole jenu; tundaka kechi kanwa vinyu yenu yize hinwahondanganyina.

Izaya 7:2

Muze mukwa munyachi wa David hevwa ngwo, A-Seria halikata ni A-Eframe, mbunge yenyi ni mbunge ja atu jenyi jachikimine ngwe mitondo ya mu yambu yakutukunga ni fuji.

Jeremia 12:13

Hakuwa tiliku alioze hacha mbimbo, halivwisa yikola alioze kufumbuka chakuhi, mihuko yenu munuyivwila sonyi, mumu ha utenu usasu wa Yehova.

Jeremia 15:3

Yehova kanambe ngwenyi, Mungusa hali ayo yonwonyi awana ngwami, Katana kushiha, ni tuwa kuwumbula, ni tujila a mu tetela, ni tushitu a hashi kulia ni kwonwona.

Jeremia 15:8

Hinokesa tuliwa jo kuhiana masekeseke a ku kalunga-lwiji. Kuli anaye ja akweze hinaneha umwe chonwonyi wa ha mwalwa. Susumuku hinakokela hali ayo kulifwita ni mwongo.

Jeremia 20:4

Mumu Yehova kanambe ngwenyi, Mungukupwisa mwongo kuli yena mwene ni kuli masepa je eswe. Makafwa ku tutana twa akwa kole jo shimbu yena muchitala. Mungukunjika A-Yunda eswe mu moko ja mwanangana wa Babilonia; makaatwala funge ku Babilonia ni kwashiha ni katana.

Jeremia 5:17

Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Ezekiel 24:23

Munulikashila mahina ja ha mitwe yenu, ni kuzala haku jenu, alioze kunuchi kulishimwoka, chipwe kulila, alioze munukaliwangamisa mu uhenge wenu, ni kutwa mikuma umwe kuli mukwo ni mukwo.

Ezekiel 33:10

Ni yena mwana mutu, amba kuli akwa munyachi wa Izalele ngwe, Enu hinwamba ngwenu, Utanguko wetu ni milonga yetu hiyatushata, mba tunawangama nayo; kuchi mutuhasa kutwama ni mwono?

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Mika 6:15

Munukuwa mbuto alioze kunuchi kacha. Munufunga mitondo ya olevwe ahoze kunuchi kalikwata maji. Munukama uva ahoze kunuchi kanwa vinyu.

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Zakaria 14:12

Yehova makalamba ni musongo mavungu aze eswe makasa jita ni Yerusaleme. Musunya wo muukapola shimbu anachimana ha molu jo; meso jo makapola mu mitwe yo; malimi jo makapola mu makanwa jo.

Malaki 2:3

Mungukánjisa mbuto ye, mungukwita tuji ha meso jenu, tuji ja milambu yenu, ni yenu manumbata hamwe nayo.

Shimbi 28:51

makalia ana ja ngombe jenu, ni mbuto ya ha mavu jenu, ndo makanwonwona. Kechi kanuhichikila mbuto, hanji vinyu, hanji maji, hanji ana ja yimuna jenu, hanji ana ja mapanga jenu, ndo makanukuwisa.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Hebreu 10:31

Kuholokela mu moko ja Zambi ya mwono, chuma cha kukolesa woma.

Akwa Kuyula 6:11

Mungelo wa Yehova yeza, yatwama mushi lia mutondo wa carvalho mu Ofra wa Njoashe Ka-Abieza shimbu mwanenyi Ngideone machizungula tiliku mu ukamino wa Vinyu, akayisweke kuli A-Mindiane.

1 Samuel 2:33

Mutu wa yena chamutetele ku chilumbilo chami mapwa wa kulayisa meso je nikuvwisa chinyengo mbunge ye. Waze eswe masemukina ku munyachi we mafwa shimbu anachikolo.