Alevi 26:14 - MUKANDA USANDU WA ZAMBI 1975

¹⁴ Alioze nyi kunuchi kungwivwa, hanji kunuchi kulinga shimbi jino jeswe,

Mukanda Wa Zambi 1970

¹⁴ Mwene Zambi yamba ngwenyi: “Nyi kunwafungile Shimbi jami, mungukanumwesa lamba.

Alevi 26:14 Iomraidhean Croise

1 MIANANGANA 22:13

Yénu nukanguhulile Yehova hali yami, ni hali e atu, ni hali A-Yunda eswe ha kutwala ku maliji a mukanda uno hauwana. Mumu ufwatulo wa Yehova uze unakasumukina hali yetu wapwa unene, mumu atata kapanjikile maliji a mukanda uno akalinge yize yeswe yasonewenamo hali yetu.

2 Sango Ja Mianangana 34:24

Yehova kanambe ngwenyi, Mungukoka chipi ha chifuchi chino ni hali atu jamo, chipwe mashingo eswe anasonewa mu mukanda hatanga kuli mwanangana wa Yunda.

2 Sango Ja Mianangana 7:19

Alioze nyi munutewuluka nikwehuka maliji jami ni shimbi jami jino hinasa kumeso jenu nukaye nikulingila mazambi eka nikwawayila,

Miaso (Masamu) 81:12

Kashika naakunjikile ku pami ja mbunge jo, hanga akende nikulita ni yiyulo yo ene.

Yishima 3:33

Shingo lia Yehova lili ha zuwo lia chingulungulu, alioze kakuwahisa muze mwatwama mukwa ululi.

Jeremia 11:8

Hindu kononokene chipwe kutela matwi, alioze mutu mweswe wendele ni pami ja mbunge yenyi yipi. Kashika naakokelele maliji eswe a usendo uno naatuminyine, alioze kaalingile.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 26:4

Muwamba kuli ayo ngwe, Yehova kanambe ngwenyi, Nyi kunuchi kupanjika kuli yami nukende mu shimbi yami yize ngunase kumeso jenu

Jeremia 28:8

Ngwami, Aprofeta waze atutetekelele chize ku miaka ya shakulu aprofetezele jita, ni kapunga, ni chilungo ya kulimika ni yifuchi yinji ni mawanangana anene.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 40:2

Kapitau ka tulayi yatambula Jeremia yamba kuli iye ngwenyi, Yehova Zambi yenu hatongola yuma yino yikalu ha chifuchi chino.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Daniel 9:13

Kuji-ni-tomo lino hilieza hali yetu nikulita ni chize chinasonewa mu shimbi ja Mose, hindu kutwalembelele vumbi lia Yehova Zambi yetu, ni kuhichika uhenge wetu, nikusa mbunge jetu ku umwenemwene we.

Hosea 7:12

Shimbu machiyako mungwatela wanda wami; mungwalimbula hashi ngwe tujila a mu tetela; mungwaaha kastigu ya yitanga yo ya ungulungulu.

Alevi 26:18

Nyi chipwe chocho kunwanguvwile, mba mungunulamba cheka nawa yisuho shimbiali ha milonga yenu.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Yilinga 3:23

Mba kumuchikapwa, mutu mweswe kechi kevwa profeta yoze, kumakamwenyeka liakulu hakachi ka atu.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Yoshua 23:15

Alioze chizechene ngwe yuma yeswe yipema yize Yehova Zambi yenu hananulakenya hiyamanunuka, chocho yuma yeswe yipi Yehova manwaha ndo hinwanonga ha chifuchi chino chipema Yehova Zambi yenu hanwaha.

Akwa Kuyula 2:15

Kweswako ayile kwoko lia Yehova lialimikine no nikwanehena chipi, chizechene ngwe Yehova haatoweza; chizechene ngwe Yehova halishinga no. Chocho apinjile.

1 Samuel 12:15

Alioze nyi kunwapanjikile ku liji lia Yehova, hanji munukolema shimbi ja Yehova, kwoko lia Yehova kumulikalimika ni yenu chizechene ngwe lialimikine ni akakenu.