Alevi 26:13 - MUKANDA USANDU WA ZAMBI 1975

¹³ Yami Yehova Zambi yenu. Nanuchijile ku chifuchi cha Engitu hanga nukatusuke ku upinji wo. Namakwine mitondo ya kúli jenu. Nanwendesele nikwoloka.

Mukanda Wa Zambi 1970

¹³ Yami Mwene Zambi, Zambi yenu, nanutuhwishile mu chifuchi cha Egiptu hanga kunuchi kabwa nawa ndungo. Nashihile akwa tachi waze anuhetamishine, yingunwendesa ni kwoloka.”

Alevi 26:13 Iomraidhean Croise

Miaso (Masamu) 116:16

Yehova, chamwenemwene nguli kavumbi ke. Nguli kavumbi ke, mwana wa kavumbi ke wa pwo, hiunakasulula makana jami.

Kutuhuka 14:8

Yehova wakalishile mbunge ya Falau, mwanangana wa Engitu, chocho yakaula A-Izalele mumu te A-Izalele yakatuka ni kwoko lia hamu.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 51:23

Alioze mungukausa mu kwoko lia akwa kukupinjisa, waze ambile kuli yena ngwo, Hetama tukapalike, mba hiwatenga nyima ye ngwe hashi, ngwe tapalo kuli ayo hanga akapalikeho.

Izaya 9:3

Hiwokesa lie vungu, hiwaweza ku uwahililo walio; kanawahilila kumeso je ngwe uwahililo wa kucha, ngwe malunga kakuwahilila ha kulipangila upite wa kupupa.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 28:2

Yehova-wa-Tujita Zambi ya Izalele kanambe ngwenyi, Hinapatula kanga ya mwanangana wa Babilonia.

Jeremia 28:4

Kumunguneha nawa ku chifuchi chino Jekonia mwana Jehoakime mwanangana wa Yunda, ni njize eswe a ku Yunda waze ayile ku Babilonia, mumu mungupatula kanga ya mwanangana wa Babilonia. Chocho kanambe Yehova.

Ezekiel 30:18

Ku Tehafene tangwa mulikalá ha kushihako chiyulo cha Engitu, ni ndundo jenyi ja kulengumuka mujikasula. Makafukiwa ni lelwa, ni anenyi a mapwo kumakaya ku ufunge.

Ezekiel 34:27

Mitondo ya mu yambu muyikema mihuko yayo, ni e mavu mahana mbuto yo, mba atu makatwama mu chifuchi cho ni chipi chakuhi; mba makanyingika yami nguli Yehova muze mungukamakuna mbambo ja kuli jo ngukaapulule kuli waze aapichile.

Hosea 11:4

Naasongwelele ni mihipu ya keke, ni malenge a zango. Nalumukine kuli ayo ngwe yoze makokolola kanga ha mbangachi jo. Nahetaminyine kuli ayo nikwalisa.

Alevi 25:38

Mumu yami Yehova Zambi yenu. Nanuchijile ku chifuchi cha Engitu ngukanwehe chifuchi cha Kanana, ngukapwe Zambi yenu.

Alevi 25:42

Mumu o anapu tuvumbi twami waze nachijile ku chifuchi cha Engitu, kashika kanda nwalanda ngwe ndungo.

Alevi 25:55

Mumu A-Izalele, o tuvumbi twami. O hapwa tuvumbi twami waze nachijile ku chifuchi cha Engitu. Yami Yehova Zambi yenu.

Nahume 1:13

Mba haliapwila mungunumakwina kanga yenyi nikupula mihipu yenu ndusu.