Alevi 26:12 - MUKANDA USANDU WA ZAMBI 1975

¹² Mungwenda hakachi kenu. Mungupwa Zambi yenu, ni yenu munupwa atu jami.

Mukanda Wa Zambi 1970

¹² Mungukabwa hamwe ni yenu, Mungukabwa Zambi yenu, ni yenu munukabwa atu jami.

Alevi 26:12 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 3:8

Aho yevwa liji lia Yehova Zambi kanende mu munda ha kukekema cha tangwa, kashika lunga ni mukwo-pwo yaswama kumeso ja Yehova Zambi hakachi ka mitondo ya mu munda.

Ubutukilo 5:22

Mba kulutwe lia kusema Metusela Enoke waliendelele ni Zambi makulakaji atatu a miaka nikusema ana a malunga ni ana a mapwo.

Ubutukilo 5:24

Enoke waliendelele ni Zambi, hikeshiko, mumu Zambi yamuchizako.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

2 Samuel 7:7

Mu yifuchi yeswe napalikile ni A-Izalele eswe te nahanjikile limwe liji ni akwa kuyula aze natumine kufunga atu jami A-Izalele ngwami, Kuchi te kwangutungilile zuwo lia sedru?

Miaso (Masamu) 50:7

Ivwenu, atu jami, mba munguhanjika. Ivwenu A-Izalele mba mungushindakenya kuli yenu; yami nguli Zambi, mwe Zambi ye.

Kutuhuka 29:45

Kumungukatwama hakachi ka A-Izalele. Kumungukapwa Zambi yo.

Kutuhuka 29:46

O kumakanyingika ngwo, Mwe Yehova Zambi yetu, watuchijile ku chifuchi cha Engitu, hanga akatwame hakachi ketu. Ngwami, Yami Yehova, Zambi yo.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 30:22

Mba munupwa atu jami ni yami mungupwa Zambi yenu.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 32:38

O kumakapwa atu jami ni yami kumungukapwa Zambi yo.

Jeremia 7:23

Alioze naahele shimbi yino ngwami, Ononokenu ku liji liami mba mungupwa Zambi yenu ni yenu munupwa atu jami. Endenu mu jila yeswe mungunwamba hanga chikapwe kanawa ni yenu.

Ezekiel 11:20

hanga akende mu yiyulo yami, ni kufunga shimbi jami, nikujononokena. O kumakapwa atu jami, ni yami mungukapwa Zambi yo.

Ezekiel 36:38

Ngwe mbunga ya mapanga ha yitapo, ngwe mbunga ya mapanga ku Yerusaleme ha mwaka wa yiwanyino yenyi ya kufunjika, chocho yihunda yize ya hululu muyikazala ni mbunga ja malunga. Henaho makanyingika yami nguli Yehova.

Joele 2:27

Munukanyingika ngwenu, Zambi kwali hakachi ka A-Izalele. Munukanyingika ngwenu, Yehova iye Zambi yetu, kukushi mukwo. Atu jami kechi kevwa nawa sonyi.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Kwalula 5:3

Ni malunga ni mapwo nukaakatwise, he haze lia chilombo nukaakatwise, hanga kechi kachisa chilombo cho muze natwama yami.

Mateu 22:32

Yami nguli Zambi ya Apalahama, ni Zambi ya Izake, ni Zambi ya Yakomba? Zambi hi Zambi ya afu ko, alioze ya a mwono.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

Shimbi 23:15

Nyi ndungo machina kako, meza kuli yenu, kanda numukunjika kuli kako.

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,

Usolwelo 21:7

Yoze makumba makahinga yino yuma; ni yami mungukapwa Zambi yenyi, iye makapwa mwanami.