Alevi 26:11 - MUKANDA USANDU WA ZAMBI 1975

¹¹ Mungutwama hakachi kenu; mbunge yami kuyichi kunuvwila kole.

Mukanda Wa Zambi 1970

¹¹ Munukabwa mukachi kenu mu zuwo liami lia chijila. Chichi kanwehuka nichimwe ku miaka yeswe.

Alevi 26:11 Iomraidhean Croise

2 Samuel 7:7

Mu yifuchi yeswe napalikile ni A-Izalele eswe te nahanjikile limwe liji ni akwa kuyula aze natumine kufunga atu jami A-Izalele ngwami, Kuchi te kwangutungilile zuwo lia sedru?

1 Yitanga Ya Mianangana 6:13

Kumungukatwama hakachi ka A-Izalele. Chichi kwehuka atu jami A-Izalele.

1 Yitanga Ya Mianangana 8:13

Ami hinakutungila zuwo ukatwamemo muma mwe mwa kutwama ndo ku miaka ya mutolo.

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

Miaso (Masamu) 106:40

Kashika ufwatulo wa Yehova wakasumukine wa kulimika ni atu jenyi. Wevwilile lwaji chihinga chenyi.

Miaso (Masamu) 76:2

Mbalaka yenyi yili mu Saleme; zuwo lienyi lili mu Zaione.

Miaso (Masamu) 78:59

Muze Zambi wachivwile, wevwile ufwatulo. Wevwilile kupiha chinji A-Izalele.

Kutuhuka 25:8

Akangutungile zuwo lisandu hanga ngukatwame hakachi ko.

Kutuhuka 29:45

Kumungukatwama hakachi ka A-Izalele. Kumungukapwa Zambi yo.

Kutuhuka 29:46

O kumakanyingika ngwo, Mwe Yehova Zambi yetu, watuchijile ku chifuchi cha Engitu, hanga akatwame hakachi ketu. Ngwami, Yami Yehova, Zambi yo.

Jeremia 14:21

Kanda utumbila, mumu ha ulemu wa jina lie; kanda ulelesa ngunja ye yinene. Iwuluka, kanda utangula usendo we ni yetu.

Lungungu 2:7

Mwene hanalelesa chilumbilo chenyi, hanalikate muma mwenyi musandu. Hanakunjika kuli akwa kole yipanga-ya-mawe ya palasiu jenyi. Chizungozungo chapwile mu zuwo lia Yehova ngwe ha tangwa lia chiwanyino cha kufunjika.

Joele 2:27

Munukanyingika ngwenu, Zambi kwali hakachi ka A-Izalele. Munukanyingika ngwenu, Yehova iye Zambi yetu, kukushi mukwo. Atu jami kechi kevwa nawa sonyi.

Alevi 20:23

Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji.

Alevi 26:15

nyi munulelesa yiyulo yami, hanji mbunge jenu mujivwila kupiha yize mungutuma mba kunuchi kulinga shimbi jami jeswe, alioze munutangula usendo wami,

Alevi 26:43

Alioze chifuchi o machihichika chikahwime ni Sambata jacho shimbu muchipwa ngwe puya, o te keshiko. Mba mazeya ku lufumbo wami wa uhenge wo, mumu ha kulelesa shimbi jami, mbunge jo jalipihilile ni yiyulo yami.

Alevi 26:44

Chipwe chocho shimbu ali mu chifuchi cha akwa kole jo chichi kwalelesa, hanji kwavwila kole ngukaonwone liakulu nikutangula usendo uze nakolesele no, mumu yami Yehova Zambi yo.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Efesu 2:22

Muli iye yenu nawa kunwatungiwa hamuwika kupwa zuwo lia Zambi muli Spiritu.

Shimbi 32:19

Yehova yachimona, yaalelesa mumu ha kwihia cha anenyi a malunga ni a mapwo.

Yoshua 22:19

Haliapwila nyi chifuchi chenu chalichisa, zaukenu nwize ku chifuchi cha Yehova kuze kwatwama tabernakulu ya Yehova, nukalianjile chihinga hakachi ketu. Alioze kanda nukolema Yehova, hanji kutupwisa yetu ngwe akwa kukolema, ha kulitungila chilumbilo chikwo cheka helu lia chilumbilo cha Yehova Zambi yetu.

Yoshua 22:31

Mba Finehase mwana wa Eleazare mwe sasendote wambile kuli A-Rupene, ni A-Ngate, ni A-Manase ngwenyi, Musono hitwanyingika ngwetu, Yehova mwali mukachi ketu, mumu kunwalingile ni mafwefwe ano kuli Yehova, kashika hinwalamwina A-Izalele ku kwoko lia Yehova.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.

Usolwelo 7:15

Kashika kwali kulutwe lia ngunja ya Zambi; kakumulingila mwalwa ni ufuku mu tembele yenyi: ni yoze watwama ha ngunja mazazulula mbalaka yenyi hali ayo.