Alevi 26:1 - MUKANDA USANDU WA ZAMBI 1975

¹ Kanda nulilingila tuponya. Kanda numika kulifwa chimwe cha kwola hanji liwe limwe. Kanda numika liwe lia kwola mu chifuchi chenu. Kanda nulihetamina ku yino yuma mumu yami Yehova Zambi yenu.

Mukanda Wa Zambi 1970

¹ Mwene Zambi yamba ngwenyi: “Kanda nulilingila mahamba hanji kumika chimwe Chuma cha kwola, chibwe liwe lia kusonga, hanji mawe autotombo, ha kwakombelela. Muma yami nguli Mwene Zambi, Zambi yenu.

Alevi 26:1 Iomraidhean Croise

1 MIANANGANA 17:10

Yalimikina tuponya ni Ashera ha mulundu weswe usuku ni mushi lia mutondo weswe wa wisu.

1 MIANANGANA 17:16

Ehukile shimbi jeswe ja Yehova Zambi yo nikulilingila tuponya twa kuzuzulula, te ana-a-ngombe aali. Alingile Ashera nawa, nikuwayila mbunga yeswe ya mwilu, nikuvumbika Mbale.

1 MIANANGANA 17:8

henda mu shimbi ja mavungu aze Yehova hahuma kumeso ja A-Izalele. Henda nawa mu shimbi jize mianangana ja Izalele akolesele.

Miaso (Masamu) 78:58

Mumu amwihile atenuke ni milundu yo ya kunangama. Amunehenene ukwa tuponya two twa kwola.

Miaso (Masamu) 97:7

Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 20:23

Kanda ukalinga tuzambi tweka kwapalakenya ni yami, chipwe tuzambi twa prata, chipwe tuzambi twa oru.

Kutuhuka 23:24

Kanda ukafukama kuli tuzambi two chipwe kwalingila, ka, chipwe kanda ukalinga nikulita ni yitanga yo alioze ukaapuzule liakulu. Ukapalwole yipinji tuponya two.

Kutuhuka 34:17

Kanda ukalilingila tuzambi niamwe a kuzuzulula.

Izaya 2:20

Ha tangwa lize atu kumakambila ku kolo ni yinguzu mahamba jo a prata ni mahamba jo a oru, aze alingile hanga akaakombelele,

Alevi 19:4

Kanda nutewulukila ku tuponya, hanji ku tuzambi twa kuzuzulula. Yami Yehova Zambi yenu.

Alevi 25:55

Mumu A-Izalele, o tuvumbi twami. O hapwa tuvumbi twami waze nachijile ku chifuchi cha Engitu. Yami Yehova Zambi yenu.

Alevi 7:33

Hakachi ka ana ja Arone yoze makalambula manyinga ni maji a milambu ya sambukila, chilama cha chindume muchikapwa nichenyi.

Kwalula 33:52

henaho nukahume kumeso jenu atu eswe atwama mu chifuchi, nukonwone mawe jo a kutota, nukonwone tuponya two twa kuzuzulula, nukapuzule manangamo jo eswe.

Yilinga 17:29

Se kashika tuli ana a Zambi, kuchatutambile kushinginyeka ngwe Uzambi unalifu ni oru, hanji prata, hanji liwe, kaponya wa kwola ni ulangaji ni chishinginyeka cha atu.

Shimbi 27:15

Kashingiwa mutu yoze masonga kaponya, chipwe mazuzulula umwe, chizelwokeso kuli Yehova, yilinga ya moko ja chilangaji, nikumumika ku tenga. Atu eswe até ngwo, Amene.

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.

Akwa Kuyula 18:30

A-Ndane alijikilile kaponya wa kwola, mba Jonatas, mwana wa Ngeshome, mwana wa Manase, wapwile sasendote hamwe ni anenyi ku munyachi wa Ndane ndo ku tangwa lize akwachile funge che chifuchi.