Alevi 24:22 - MUKANDA USANDU WA ZAMBI 1975

²² Munupwa ni shimbi yimuwika kuli njize ni kuli mwenyembo, mumu yami Yehova Zambi yenu.

Mukanda Wa Zambi 1970

²² Shimbi yino yibwa kuli yenu eswe, kuli Aisraele ni kuli yilambala waze atwama mukachi kenu, mumu yami nguli Mwene Zambi, Zambi yenu.”

Alevi 24:22 Iomraidhean Croise

Kutuhuka 12:49

Shimbi yimuwika yikapwe hali mukwa chifuchi ni hali njize watwama hakachi kenu.

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Alevi 24:23

Chocho Mose yámbila A-Izalele mba yatwala yoze watukanyine haze lia chilombo. Yamwasa mawe. Chocho A-Izalele yalinga chize Yehova hatuma Mose.

Kwalula 15:29

Nukapwe ni shimbi yimuwika lume hali mukwa kuvulumuna mulonga wa susumuku; ni hali mwenyembo hakachi ka A-Izalele, ni hali njize watwama hakachi kenu.

Kwalula 9:14

Nyi njize matwama hakachi kenu, mazanga kufunga Chizomboka cha Yehova, nikulita ni chiyulo cha Chizomboka, nikulita ni shimbi yacho, chocho alinge. Nukapwe ni chiyulo chimuwika lume, ni hali njize ni hali mukwa chifuchi.

Shimbi 1:16

Yingwamba ngaji jenu ha mwaka uze ngwami, Panjikenu yikuma hakachi ka akwenu, nupatule ni ululi hakachi ka mutu ni mukwo, ni njize waze ali hamwe ni yenu.