Alevi 24:16 - MUKANDA USANDU WA ZAMBI 1975

¹⁶ Yoze mashililika jina lia Yehova akamushihe. Akwa chikungulwila eswe akamwase mawe. Apwe njize, apwe mwenyembo, muze mashililika lie Jina, akamushihe.

Alevi 24:16 Iomraidhean Croise

2 Samuel 6:2

David yakatuka, yaya ni atu eswe apwile no ku Mbale-Yunda akasake mushete wa Zambi uze uli ni jina lia Yehova-wa-Tujita wakutwama hali akerupimi.

Miaso (Masamu) 139:20

Mumu kakuhanjika cha kulimika ni yena ni ungulungulu. Akwa kole je kakuvulwoka jina lie ngwe liamokomoko.

Miaso (Masamu) 74:10

Zambi! Ndo mwiji muka mukwa kulimika machoka? Mukwa kole kumakatuka jina lie ndo ku miaka ya mutolo nyi?

Miaso (Masamu) 74:18

Iwuluka chuma chino, mukwa kole hachoka Yehova; vungu limwe lia yihepuke hatuka jina lie.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Kutuhuka 22:28

Kanda ukashililika Zambi. Chipwe kanda ukatuka mukwa kuyula atu je.

Alevi 20:2

Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe.

Mateu 12:31

Kashika ngunambe kuli yenu ngwami, Mulonga weswawo ni kushililika cheswacho kumakaakonekenacho atu, alioze kushililika Spiritu Musandu kechi kaakonekenacho atu.

Mateu 26:66

Kuchi nunashinginyeka? No akumbulwile ngwo, Kanatela kufwa.

Marku 14:64

Hinwevwa kushililika Zambi, chika nunanyongo? O eswe amuhishile ngwo, Kanatela kufwa.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yilinga 26:11

Nikwalamba kanji mu masunangonga eswe, naashinjikile ashililike Zambi, mba ni ufwatulo kuhiana hali ayo, naahungumionene ndo ku membo a mu yifuchi ya tundaka.

Yilinga 7:58

amumbilile haze lia limbo, amwashile mawe; ni yela atumbikile mazalo jo ku molu ja umwe mukweze, jina lienyi, Saulu.

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

Tiangu (Jake) 2:7

Keshi kushililika jina lize lilemu ananuluku nalio, nyi?