Alevi 23:8 - MUKANDA USANDU WA ZAMBI 1975

⁸ Alioze munuhana kuli Yehova mulambu wa kahia matangwa shimbiali, mba ha tangwa liamuchishimbiali munupwa ni chikungulwila chisandu. Kanda nulinga milimo yilemu niyimwe.

Mukanda Wa Zambi 1970

⁸ Ha matangwa shimbiali lambulenu milambu yenu ya yakulia kuli Mwene Zambi. Ha tangwa lia muchishimbiali nukalikungulula nawa ha kuwayila, alioze kanda nulinga ho mulimo niumwe.

Alevi 23:8 Iomraidhean Croise

Kutuhuka 12:16

Ha tangwa lia kuputuka hakapwe kulikungulula chisandu ni ha tangwa liamuchishimbiali kukungulula chisandu nawa. Kanda nukalingaho milimo niyeyimwe, shina chize malia mutu mweswe. Chize wika nukalinge.

Kutuhuka 13:6

Munukalia mbolo kuyishi futunwiso ha matangwa shimbiali mba ha tangwa liamuchishimbiali hakapwe chiwanyino hali Yehova.

Ezekiel 45:23

Mba ha matangwa shimbiali a chiwanyino makahana yimbembe a kuji shimbiali ni kuji a mapanga shimbiali keshi chipa akapwe mulambu wa kulumba kuli Yehova tangwa ha tangwa ha matangwa shimbiali, ni kuji ya pembe akapwe mulambu ha shili.

Alevi 23:7

Tangwa litangu munupwa ni chikungulwila chisandu. Kanda nulinga milimo yilemu niyimwe.

Alevi 23:9

Yehova yamba kuli Mose ngwenyi,

Kwalula 28:18

Ha tangwa litangu hakapwe chikungulwila chisandu. Kanda nulingaho milimo niyeyimwe ya kuhondangana.

Kwalula 28:25

Ha tangwa liamuchishimbiali nukapwe ni chikungulwila chisandu. Kanda nukalingaho milimo niyeyimwe ya kuhondangana.

Kwalula 28:26

Ha tangwa lia mbuto yitangu nawa, ha kulambula kuli Yehova mulambu waha wa wunga, ha chiwanyino chenu cha masemana, nukapwe ni chikungulwila chisandu. Kanda nukalingaho milimo niyeyimwe ya kuhondangana.

Shimbi 16:8

Nulie mbolo kuyishi futunwiso matangwa asambano; ha tangwa liamuchishimbiali kukapwe chikungulwila chilemu, cha Yehova Zambi yenu. Kanda nulingaho milimo niyeyimwe.