Alevi 23:7 - MUKANDA USANDU WA ZAMBI 1975

⁷ Tangwa litangu munupwa ni chikungulwila chisandu. Kanda nulinga milimo yilemu niyimwe.

Mukanda Wa Zambi 1970

⁷ Ha tangwa litangu lia matangwa waze chatamba kulikungulula ha kuwayila. Kanda nulinga ho mulimo niumwe.

Alevi 23:7 Iomraidhean Croise

Kutuhuka 12:16

Ha tangwa lia kuputuka hakapwe kulikungulula chisandu ni ha tangwa liamuchishimbiali kukungulula chisandu nawa. Kanda nukalingaho milimo niyeyimwe, shina chize malia mutu mweswe. Chize wika nukalinge.

Alevi 23:21

Mba munulakenya ha tangwa lioliene nukapwe ni chikungulwila chisandu. Kanda nulinga milimo niyimwe yilemu. Chino muchipwa chiyulo cha mutolo kweswako munutwama ndusu yisemuko yenu yeswe.

Alevi 23:25

Kanda nulinga milimo niyimwe yilemu. Munukunjika mulambu wa kahia kuli Yehova.

Alevi 23:8

Alioze munuhana kuli Yehova mulambu wa kahia matangwa shimbiali, mba ha tangwa liamuchishimbiali munupwa ni chikungulwila chisandu. Kanda nulinga milimo yilemu niyimwe.

Kwalula 29:1

Ha kakweji wamuchishimbiali, lie tangwa litangu lia mwe kakweji, nukapwe ni chikungulwila chisandu, kanda nukalingaho milimo niyeyimwe ya kuhondangana. Kuliapwa kuli yenu tangwa lia kwimba yitavwi.

Kwalula 29:12

Ha tangwa kumi ni liamuchitano lia kakweji wamuchishimbiali nukapwe ni chikungulwila chisandu. Kanda nukalingaho milimo niyeyimwe ya kuhondangana. Nukafungile Yehova chiwanyino cha matangwa shimbiali.