Alevi 23:5 - MUKANDA USANDU WA ZAMBI 1975

⁵ ha kakweji mutangu, ha tangwa kumi ni liamuchiwana ha chingoloshi muhapwa Chizomboka cha Yehova.

Mukanda Wa Zambi 1970

⁵ Chiwanyino cha Kubalika, chize munulinga ha kulemesa Mwene Zambi, muchibutuka ha tangwa kumi ni lia muchiwana lia kakweji mutangu, muze tangwa hilianjila.

Alevi 23:5 Iomraidhean Croise

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Ezekiel 45:21

Ha kakweji mutangu, ha tangwa kumi ni liamuchiwana lia kakweji, munukalia chiwanyino cha Chizomboka mba ha matangwa shimbiali munukalia mbolo kuyishi futunwiso.

Mateu 26:17

Achi, ha tangwa litangu lia mbolo yize kuyishi futunwiso, tumbaji ejile kuli Yesu ngwo, Kulihi unazange yetu tululike hanga ukalie Chizomboka?

Marku 14:12

Ha tangwa litangu lia mbolo yize kuyishi futunwiso, muze ashihile chitapo cha Chizomboka, tumbaji twenyi yamba kuli iye ngwo, Kulihi unazange tukalulike hanga ukalie Chizomboka?

Luka 22:7

Mba tangwa lia mbolo kuyishi futunwiso hiliaheta, muze chatamba kushiha chitapo cha Chizomboka.

Yoshua 5:10

Shimbu A-Izalele achili ku Ngilingali mu chilombo, afungile Chizomboka ha tangwa kumi ni liamuchiwana ha chingoloshi, ha yana ya Yeriku.