Alevi 23:34 - MUKANDA USANDU WA ZAMBI 1975

³⁴ Amba kuli A-Izalele ngwe, Ha kakweji yono mwene wamuchishimbiali, ha tangwa kumi ni liamuchitano ndusu ha matangwa shimbiali che chiwanyino cha yisakila kuli Yehova.

Alevi 23:34 Iomraidhean Croise

1 Yitanga Ya Mianangana 12:32

Jeroboame yasela chiwanyino mu kakweji wamuchinake ha tangwa kumi ni liamuchitano lia kakweji ngwe chiwanyino chize chili mu Yunda mba iye yakundama ku chilumbilo. Yalinga chocho mu Mbetele nikushihila yitapo ana-a-ngombe aze halinga. Yatungisa ku Mbetele asasendote a manangamo aze halinga.

1 Yitanga Ya Mianangana 8:2

Mba malunga eswe a Izalele yakungulukila kuli mwanangana Solomone ha matangwa a chiwanyino mu kakweji wa Etanime, kakweji wamuchishimbiali wa mwaka.

1 Yitanga Ya Mianangana 8:65

Chocho Solomone yafunga chiwanyino ha matangwa aze ni A-Izalele eswe hamwe nenyi, chikungulwila chinene chize ku kunjila mu Hamate ndo ku chitwetwe cha Engitu kumeso ja Yehova Zambi yetu, matangwa shimbiali ni matangwa shimbiali, ngwami, kumi lia matangwa ni matangwa awana.

Ezra 3:4

Yafunga nawa chiwanyino cha yisakila, ngwe chinasonewa; yalambula milambu ya kulumba ya tangwa ha tangwa nikulita ni shimbi, ngwe aaselelecho cha tangwa ha tangwa.

Nehemia 8:14

Yachiwana mu shimbi chize Yehova watumine Mose, chatamba A-Izalele atwame mu yisakila ha chiwanyino cha kakweji wamuchishimbiali,

Kutuhuka 23:16

Chiwanyino cha kuhela mbuto, (mbuto yitangu ya ku kuhondangana che), wakulima ku munda, ni chiwanyino cha kukungila mbuto ha kuhwa cha mwaka, muze mukunga ya ku kuhondangana che ku munda.

Kutuhuka 34:22

Ukafunge chiwanyino cha masemana, cha tiliku yitangu ya kulianga kuhia. Ukafunge nawa chiwanyino cha kukungila mbuto ha kuhwa cha mwaka.

Ezekiel 45:25

Ha kakweji wamuchishimbiali ni ha tangwa kumi ni liamuchitano lia kakweji, ni ha matangwa shimbiali a chiwanyino makalulika chizechene ha milambu ha shili, ni milambu ya kulumba, ni milambu ya wunga, ni ha maji.

Alevi 23:33

Yehova yamba kuli Mose ngwenyi,

Alevi 23:42

Munutwama mu yisakila matangwa shimbiali. Waze eswe apwa e enyembo A-Izalele matwama mu yisakila.

Alevi 23:43

Hanga akwa yisemuko yenu akanyingike chize yami natwamishine A-Izalele mu yisakila muze naachijile ku chifuchi cha Engitu. Yami Yehova Zambi yenu.

Kwalula 29:12

Ha tangwa kumi ni liamuchitano lia kakweji wamuchishimbiali nukapwe ni chikungulwila chisandu. Kanda nukalingaho milimo niyeyimwe ya kuhondangana. Nukafungile Yehova chiwanyino cha matangwa shimbiali.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 7:2

Achi, chiwanyino cha A-Yunda, chiwanyino cha yisakila, chapwile hakamwihi.

Shimbi 16:16

Katatu ha mwaka, katatu ha mwaka, malunga jenu eswe akasoloke kumeso ja Yehova Zambi yenu kuze iye matongola; ku chiwanyino cha mbolo kuyishi futunwiso, ni ku chiwanyino cha masemana, ni ku chiwanyino cha yisakila. Kanda asoloka mokomoko kumeso ja Yehova.

Shimbi 31:10

Mose yaamba ngwenyi, Ha kusula cha miaka shimbiali, miaka shimbiali, ha mwaka wa kutusula, ha kakweji wa kutongola, ha chiwanyino cha yisakila,

Hebreu 11:13

Wano eswe afwile nikulita ni Ufulielo, katambwile yilakenyo, aiioze ayimwene kusuku; ayisambililile; atayijile ngwo, Tuli ngeji ni njize hano hashi.

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika: