Alevi 23:3 - MUKANDA USANDU WA ZAMBI 1975

³ munulinga milimo ha matangwa asambano alioze liamuchishimbiali mulipwa Sambata yilemu ya kuhwima. Munupwa ni chikungulwila chisandu, kanda nulinga milimo niyimwe mumu muyipwa Sambata ya Yehova kweswako munutwama.

Mukanda Wa Zambi 1970

³ Chatamba kulinga milimo yenu matangwa asambano, alioze iwulukenu ngwenu, tangwa lia muchishimbiali lili lia kuhwima. Ha tangwa lize kanda nulinga ho milimo, alioze kungulukenu ni kuwayila. Tangwa lia kuhwima lili lia mbala lia Mwene Zambi, kweswako munukatwama kulinga Chuma ka.

Alevi 23:3 Iomraidhean Croise

Kutuhuka 16:23

Iye yamba kuli ayo ngwenyi, Achi chuma chino Yehova hanambe ngwenyi, Hamene hakapwe uhwimino ulemu, Sambata yisandu kuli Yehova. Musono ochenu cheswacho munwocha, telekenu cheswacho munuteleka. Chize muchilisalaho litulikilenucho ndo mu kucha.

Kutuhuka 16:29

Talenu! Mumu te Yehova hananwehe ye Sambata, kashika ha tangwa liamuchisambano hananwehe kulia cha matangwa aali. Mutu mweswe akatwame ku chihela chenyi. Ha tangwa liamuchishimbiali mutu niumwe kanda akakatuka ku chihela chenyi.

Kutuhuka 16:30

Chocho ahwimine e atu ha tangwa liamuchishimbiali.

Kutuhuka 23:12

Ha matangwa asambano ukalinge milimo ye. Ha tangwa liamuchishimbiali hikuhwima, ni ngombe ye, ni chimbulu che akahwime, hanga mwana wa ndungo ye wa pwo ni njize akasanguluke.

Kutuhuka 34:21

Ukalinge milimo matangwa asambano alioze ha tangwa liamuchishimbiali hikuhwima lume. Ha mwaka wa kuchipa ni ha mwaka wa kucha ukahwime.

Izaya 56:2

Kawaha mutu yoze malinga chino, ni mwana mutu yoze malalaminyako, yoze mafunga Sambata ni kulijilula ka; kakutunga nawa kwoko lienyi kuchina mulilinga chipi.

Izaya 56:6

Ni tundaka waze akulifutula ni Yehova akamulingile, ni kuzanga jina lia Yehova, akapwe tuvumbi twenyi, waze eswe te akufunga Sambata ni kulijilula, ka, ni kulalaminya ku usendo wami,

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Luka 13:14

Alioze mukwa kuyula sunangonga te kanevu kupiha, mumu Yesu wawukile ha tangwa lia Sambata, wakumbulwile ku mbunga ngwenyi, Kwali matangwa asambano a milimo, kashika nwize ha matangwa aze anuwuke, hi ha Sambata ko.

Luka 23:56

O ahilukile, alulikile mbuto ya vumba lipema ni yitumbo yipema ya kukwita. Ha tangwa lia Sambata anamine nikulita ni liji lia shimbi.

Yilinga 15:21

Mumu Mose chize ku yisemuko ya shakulu, mu membo eswe kali ni waze akumwambujola, se kakumutanga mu masunangonga eswe ha masambata eswe.

Usolwelo 1:10

Napwile mu Spiritu ha tangwa lia Mwene, nevwile kunyima yami liji linene, ngwe lia chitavwi,