Alevi 23:21 - MUKANDA USANDU WA ZAMBI 1975

²¹ Mba munulakenya ha tangwa lioliene nukapwe ni chikungulwila chisandu. Kanda nulinga milimo niyimwe yilemu. Chino muchipwa chiyulo cha mutolo kweswako munutwama ndusu yisemuko yenu yeswe.

Mukanda Wa Zambi 1970

²¹ Ha lie tangwa alio, kanda nukalinga ho mulimo niumwe, alioze nukalikungulula ha kuwayila. Vungu lienu akafunga Shimbi yino ndoo ku miaka yeswe, kweswako maakatwama.

Alevi 23:21 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Kutuhuka 27:21

Arone ni anenyi a malunga akayilulikise chize ku chingoloshi ndo ku kucha kumeso ja Yehova mu mbalaka ya chikungulwila, haze lia chikalakala cha hina chili kulutwe lia ye shindakenyo. Chikapwe shimbi ya mutolo ndusu yisemuko yeswe hali A-Izalele.

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Alevi 23:14

Kanda nulia mbolo hanji mbuto, yipwe yumu, yipwe ya wisu, ndo tangwa lize, ndo hinwaneha mulambu wa Zambi yenu. Acho chiyulo cha mutolo ndusu yisemuko yenu yeswe kweswako munutwama.

Alevi 23:2

Amba kuli A-Izalele ngwe, Yiwanyino ya kutongola ya Yehova, yize munulakenya yikapwe yikungulwila yisandu, ye yiwanyino yami ya kutongola, yino:

Alevi 23:20

Mwe sasendote maahungisa hamuwika ni mbolo ya mbuto yitangu, mulambu wa kuhungisa kumeso ja Yehova, ayo hamuwika ni ana-mapanga aali. Kumuyikapwa yisandu kuli Yehova, ya mbala ya sasendote.

Alevi 23:25

Kanda nulinga milimo niyimwe yilemu. Munukunjika mulambu wa kahia kuli Yehova.

Alevi 23:31

Kanda nulinga milimo niyimwe. Yikapwe chiyulo cha mutolo, ndusu yisemuko yenu yeswe, kweswako munutwama.

Alevi 23:4

Yiwanyino ya Yehova ya kutongola, ye yikungulwila yisandu, munuyilakenya ha matangwa jayo ngwami, yino:

Alevi 23:7

Tangwa litangu munupwa ni chikungulwila chisandu. Kanda nulinga milimo yilemu niyimwe.

Alevi 3:17

Chino chikapwe chiyulo cha mutolo mu mazuwo jenu ndusu yisemuko yenu yeswe ngwami, Kanda nulia chipwe maji chipwe manyinga.

Kwalula 18:23

A-Levi akalinge uvumbiko wa mu mbalaka ya chikungulwila; o akambate uhenge wo. Chikapwe chiyulo cha mutolo ndusu yisemuko yenu. Hakachi ka A-Izalele o kanda akapwa ni chihinga nichimwe.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.