Alevi 23:2 - MUKANDA USANDU WA ZAMBI 1975

² Amba kuli A-Izalele ngwe, Yiwanyino ya kutongola ya Yehova, yize munulakenya yikapwe yikungulwila yisandu, ye yiwanyino yami ya kutongola, yino:

Mukanda Wa Zambi 1970

² Shimbi hakutwala ku yiwanyino, muze Aisraele maalikungulula ha kuwayila.

Alevi 23:2 Iomraidhean Croise

1 MIANANGANA 10:20

Jehu yamba ngwenyi, Selenu chikungulwila chilemu hali Mbale. O yachilakenya.

1 Sango Ja Mianangana 23:31

ni ha milambu yeswe ya kulumba kuli Yehova, ha masambata, ni ha kakweji mwaha, ni ha yiwanyino ya kutongola nikulita ni shimbi ya kwalula cho matangwa eswe kumeso ja Yehova.

2 Sango Ja Mianangana 2:3

Solomone yatuma kuli Hurame mwanangana wa Teru ngwenyi, Walingile kanawa ni tata David nikumutumina mitondo ya sedru akalitungile zuwo lia kutwamamo; hilinga chizechene ni yami.

2 Sango Ja Mianangana 30:5

Kashika yakolesa shimbi kusanyika mutambi ndusu mu Izalele mweswe chize ku Mbia-shipa ndo ku Ndane, akeze ku Yerusaleme kufunga Chizomboka cha Yehova Zambi ya Izalele, mumu te kachifungile atu anji nikulita ni je sona.

Ezra 3:5

Mba kulutwe milambu ya kulumba ya matangwa eswe, ni milambu ya kakweji mwaha, ni ya yiwanyino yeswe ya Yehova, ya kufunjika, yize aaselele, ni ya mweswe wahanyine ni mbunge yenyi mulambu wa mbunge kuli Yehova.

Miaso (Masamu) 81:3

Humunenu chitavwi ha kakweji mwaha, ha hakweji wa kuunduka, ha chiwanyino chetu.

Kutuhuka 32:5

Muze Arone amumwene, yatunga chilumbilo kulutwe lienyi, yatambika ngwenyi, Hamene mukupwa chiwanyino cha Yehova.

Izaya 33:20

Tala ku Zaione chihunda cha yiwanyino ya kufunjika! Meso je makamona Yerusaleme, chihunda cha kuhwima, mbalaka kuyichi katutuluka, mbambo jayo kechi kajizula nilimwe tangwa, ni mihipu yayo kuyichi kapatuka.

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Ezekiel 44:24

Ha kusopa, o makapwa akwa kupatula, alioze makapatula nikulita ni upatwilo wami. Makafunga shimbi jami ni yiyulo yami mu yiwanyino yami yeswe ya kufunjika. Makafunga masambata jami ni usandu.

Hosea 2:11

Mungusulisa chiseke chenyi cheswe, ni yiwanyino yenyi, ni yikungulwila ya kakweji mwaha ni masambata, ni yiwanyino yenyi yeswe ya kufunjika.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Joele 2:15

Humunenu chitavwi mu Zaione. Liselenu tangwa lisandu lia kulitwamina kulia. Tambikenu chikungulwila chilemu.

Alevi 23:1

Yehova yamba kuli Mose ngwenyi,

Alevi 23:21

Mba munulakenya ha tangwa lioliene nukapwe ni chikungulwila chisandu. Kanda nulinga milimo niyimwe yilemu. Chino muchipwa chiyulo cha mutolo kweswako munutwama ndusu yisemuko yenu yeswe.

Alevi 23:37

Yino ye yiwanyino ya Yehova munulakenya yikapwe matangwa a yikungulwila yisandu ya kutongola, hanga nukalambule kuli Yehova milambu ya kahia. Ngwami, Milambu ya kulumba, ni milambu ya wunga, ni yitapo, ni milambu ya kunwa, weswe ha tangwa liawo,

Alevi 23:4

Yiwanyino ya Yehova ya kutongola, ye yikungulwila yisandu, munuyilakenya ha matangwa jayo ngwami, yino:

Alevi 23:44

Chocho Mose wambulwilile A-Izalele yiwanyino ya kutongola ya Yehova.

Nahume 1:15

Talenu ha milundu molu ja mukwa kuneha lusango mupema; kakwambujola sambukila. Enu A-Yunda fungenu yiwanyino yenu. Linga yilakenyo yenu ya shingo, mumu chingulungulu kechi keza kulimika ni yenu nilimwe tangwa; hamutetaho.

Kwalula 10:10

Chizechene nawa ha tangwa lia chiseke chenu, ni ha yiwanyino yenu ya kutongola, ni ha uputukilo wa tukweji twenu, yitavwi nukayimbile helu lia milambu yenu ya kulumba ni helu lia yitapo ya milambu yenu ya sambukila. Yikapwe Chiwulwiso kuli yenu kumeso ja Zambi yenu. Yami Yehova Zambi yenu.

Kwalula 29:39

Ye yino nukalambule kuli Yehova ha yiwanyino yenu ya kutongola, kuweza ku milambu yenu ya yilakenyo, ni milambu yenu ya mbunge, yikapwe milambu yenu ya kulumba, yikapwe milambu yenu ya wunga, yikapwe milambu yenu ya kunwa, yikapwe milambu yenu ya sambukila.

Yoano 5:1

Kulutwe lia yino yuma kwapwile chiwanyino cha A-Yunda; ni Yesu wakandukile ku Yerusaleme.

Kolosu 2:1

Mumu ngunazange yenu nunyingike ngwe nakulitachika chikolo hali yenu, ni hali waze ali mu Laotisea, ni hali waze eswe kangumwene ku meso,

Kolosu 2:16

Niumwe kanda anupatwila kashika ha kulia, hanji ha kunwa, hanji ha kutwala ku tangwa lia chiwanyino, hanji kakweji mwaha, hanji tangwa lia Sambata.